ବିପଦରେ କରୋନା ଯୋଦ୍ଧା: ଗଞ୍ଜାମରେ ପୁଣି ୪ ପୋଲିସ କରୋନା ପଜିଟିଭ
ବ୍ରହ୍ମପୁର, (ରାଜେଶ କୁମାର ପଟ୍ଟନାୟକ): ଗଞ୍ଜାମ ଜିଲ୍ଲାରେ କରୋନା ସଂକ୍ରମଣ ଦିନକୁ ଦିନ ଉଗ୍ର ରୂପ ଧାରଣ କରୁଛି । ଆଗରୁ ଗଞ୍ଜାମର ଛତ୍ରପୁରର ଦୁଇ ପୋଲିସ ଅଧିକାରୀ ଆକ୍ରାନ୍ତ ହୋଇ ଚିକିତ୍ସା ପରେ ସୁସ୍ଥ ହୋଇଥିବା ବେଳେ ଏବେ ଆଉ ୪ ଜଣ ପୋଲିସ କର୍ମଚାରୀ କରୋନା ପଜିଟିଭ ଚିହ୍ନଟ ହେବା ଯୋଗୁଁ କରୋନା ଯୋଦ୍ଧା ଭାବେ ପରିଚିତ ପୋଲିସ କର୍ମଚାରୀଙ୍କୁ ଏବେ କରୋନାର ଭୟ ଗ୍ରାସିଛି । ସୂଚନା ଥାଉକି ଗଞ୍ଜାମରେ ଆଉ ୪ ପୁଲିସ କର୍ମୀ କରୋନା ପଜିଟିଭ ଚିହ୍ନଟ ହୋଇଛନ୍ତି ବୋଲି ଏସ୍ପି ବ୍ରିଜେଶ କୁମାର ରବିବାର ଟ୍ୱିଟ୍ କରି କହିଛନ୍ତି , ଏସ୍ପି ସମସ୍ତ ଆକ୍ରାନ୍ତଙ୍କ ଆଶୁ ଆରୋଗ୍ୟ କାମନା କରିଛନ୍ତି । ଏବେ ସମସ୍ତେ ଚିକିତ୍ସିତ ହେଉଥିବା ଜଣାପଡିଛି।
