ବ୍ଲକ ସ୍ତରୀୟ ବିଜ୍ଞାନ ମେଳା ପାଇଁ ପ୍ରସ୍ତୁତି ବୈଠକ
ହାଟଡିହି, (ବିକାଶ ବିଶ୍ୱାଳ) :କରୋନା କଟକଣା ହଟିବା ପରେ ଦୀର୍ଘ ଦୁଇବର୍ଷ ପରେ ଚଳିତବର୍ଷ ହେବାକୁ ଯାଉଛି ବ୍ଲକ ସ୍ତରୀୟ ବିଜ୍ଞାନମେଳା । ନିଶାକର ହାଇସ୍କୁଲ ବାରିଗାଁ ଠାରେ ହେବାକୁ ଥିବା ଏହି ବ୍ଲକ ସ୍ତରୀୟ ବିଜ୍ଞାନମେଳା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ନାରାୟଣ ଚନ୍ଦ୍ର ରାଉତଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ଏବିିଓ ଧନେଶ୍ୱର ଖଣ୍ଡେଇ, ହାଟଡିହି ହାଇସ୍କୁଲର ପ୍ରଧାନ ଶିକ୍ଷକ ଶିଶିର କୁମାର କର, ସିଆରସିସି ମଙ୍ଗଳ ହାଁସଦା, ବସନ୍ତ ନାୟକ, କେଶବ ଚନ୍ଦ୍ର କର, ସୁମନ୍ତ କୁମାର ନାୟକ, ସୁଶାନ୍ତ କୁମାର ସ୍ୱାଇଁ, ରବିନାରାୟଣ ଦାସ ମହାପାତ୍ର, ବିଜ୍ଞାନ ଶିକ୍ଷକ ମାଧବାନନ୍ଦ ଜେନା, ପରମାନନ୍ଦ ପରିଡା, ଦେବେନ୍ଦ୍ର ଖୁଣ୍ଟିଆ, ରବି ନାରାୟଣ ବାରିକ, ରବିନ୍ଦ୍ର ନାଥ, ଗୟାଧର ମଲ୍ଲିକ, ବିଦ୍ୟାଧର ପଣ୍ଡା, ଅନାଦି ଚରଣ ବେହେରା, ନବଘନ ନାୟକ, ସତ୍ୟବ୍ରତ ସାମଲ, ପ୍ରଭାକର ବେହେରା ପ୍ରମୁଖ ଯୋଗଦେଇ ବିଜ୍ଞାନମେଳାର ସଫଳତା ସମ୍ପର୍କରେ ଆଲୋଚନା କରିଥିଲେ । କିପରି ଅଧିକାରୁ ଅଧିକ ଛାତ୍ରଛାତ୍ରୀ ଏହି ବିଜ୍ଞାନ ମେଳାରେ ଭାଗନେବେ ସେଥିଲାଗି ଗୁରୁତ୍ୱ ଦିଆଯାଇଥିଲା ।
