ଯୁବକଙ୍କ ଉନ୍ମତ କାଣ୍ଡ, ଦୁଇ ଜଣଙ୍କୁ ଛୁରା ମାଡ, ଅଭିଯୁକ୍ତ ଗିରଫ  

ହାଟଡିହି, (ବିକାଶ ବିଶ୍ୱାଳ ) : ବ୍ଲକ ଶିବନାରାୟଣପୁର ଗ୍ରାମରେ ଜଣେ ଯୁବକଙ୍କ ଉନ୍ମତକାଣ୍ଡକୁ ନେଇ ଗ୍ରାମବାସୀ ଆତଙ୍କିତ ହୋଇପଡିଥିଲେ । ଗ୍ରାମର ଆଲୋକ ଜେନା ନାମକ ଜଣେ ଯୁବକ ଗାଁରେ ଛୁରୀ ଧରି ସମସ୍ତଙ୍କୁ ମାରି ଗୋଡାଇବା ସହିତ ଯାହାକୁ ପାରିଲା ତାକୁ ଗାଳି ଗୁଲଜ କଲା । ଏହି ଛୁରୀ ମାଡରେ ଜଣେ ମହିଳା ଓ ଜଣେ ୫ବର୍ଷର ଶିଶୁପୁତ୍ର ମଧ୍ୟ ଆହତ ହେଲେ । ଦୁଇ ତିନିଘଣ୍ଟା ଧରି ଯୁବକ ଜଣକ ନିଜ ଆତଙ୍କରାଜ ଚଳାଇବା ପରେ ଗ୍ରାମବାସୀମାନେ ମିଳିତ ଭାବେ ତାକୁ କାବୁ କରି ଆନନ୍ଦପୁର ପୁଲିସକୁ ଜିମା ଦେଇଥିଲେ । ଆନନ୍ଦପୁର ପୁଲିସ ଅଭିଯୁକ୍ତ ଆଲୋକକୁ ଗିରଫ କରି କୋର୍ଟ ଚାଲାଣ କରିଛି ।