ଲୁଟର ଶୀକାର ହେଲେ ଯୁବତୀ ,ହରାଇଲେ ଅରଜିନାଲ ସାର୍ଟିଫିକେଟ୍

ବାଲେଶ୍ୱର (ଯୁଗାବ୍ଦ ନ୍ୟୁଜ) : ବାଲେଶ୍ୱର ଜିଲ୍ଲା ପଳାଶପୁର ଅଞ୍ଚଳରେ ଲୁଟର ଶୀକାର ହୋଇଛନ୍ତି ଜଣେ ଯୁବତୀ । ସହରରେ ଦିନକୁ ଦିନ ଅପରାଧ ଓ ଲୁଟ୍ରାଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ସଦର ଥାନା ଅନ୍ତର୍ଗତ ବସନ୍ତପୁର ଗ୍ରାମର ହରେନ୍ଦ୍ର ମହାନ୍ତିଙ୍କ ଝିଅ ସସ୍ମିତା ମହାନ୍ତି ସଂନ୍ଧ୍ୟାରେ ଟିଉସନ ସାରି ଘରକୁ ଫେରୁଥିବା ସମୟରେ ଦୁର୍ବୁତ୍ତମାନେ ବ୍ୟାଗଟିକୁ ଝାମ୍ପି ନେଇଯାଇଛନ୍ତି । ତାଙ୍କ ବ୍ୟାଗରେ ଅରଜିନାଲ ସାର୍ଟିଫିକେଟ ଥିବା କାରଣରୁ ସେ ସଦର ଥାନାରେ ଲିଖିତ ଆକାରରେ ଅଭିଯୋଗ କରିଛନ୍ତି । ଅଭିଯୋଗ କୁ ଭିତ୍ତି କରି ପୋଲିସ ତଦନ୍ତ ଆରମ୍ଭ କରିଛି ।