ହାତୀ ନଦୀକୁ ଡେଇଁ ଥିବା ଯୁବତୀଙ୍କୁ ଉଦ୍ଧାର କଲେ ତିନି ଯୁବକ
କଳାହାଣ୍ଡି,(ୱାଇଏନ୍ଏସ୍): କଳାହାଣ୍ଡି ଜିଲ୍ଲା ଜୁନାଗଡ଼ ହାତୀ ନଦୀରେ ଆଜି ଜଣେ ଯୁବତୀ ମାନସିକ ଚାପରେ ଆସି ଡେଇଁ ଥିବା ବେଳେ ନଦୀରେ ଗାଧୋଉଥିବା ତିନି ଯୁବକ ଯୁବତୀଙ୍କୁ ଗଭୀର ନଦୀ ପାଣିରୁ ଉଦ୍ଧାର କରିଥିଲେ | ପରେ ଖବର ପାଇ ଓଡ୍ରାଫ ଟିମ ପହଞ୍ଚି ଯୁବତୀଙ୍କୁ ଉଦ୍ଧାର କରି ସ୍ଥାନୀୟ ହସ୍ପିଟାଲରେ ଭର୍ତ୍ତି କରିଛନ୍ତି | ତେବେ କାମଠନାରୁ ଏକ ଅଟୋରେ ନିଜ ସମ୍ପର୍କୀୟ ଘର ଲଡୁଗାଁ ଯାଉଥିବା ବେଳେ ଯୁବତୀ ନଦୀକୁ ଡେଇଁ ପଡିଥିବା ଜଣାପଡ଼ିଛି |
