୧୯୮୧ ଵ୍ୟାଚ୍ ସହପାଠୀ ସମାଵେଶ

କୋଣାର୍କ, (ଗଣେଶ ଚନ୍ଦ୍ର ବେହେରା):କୋଣାର୍କ-ପୁରୀ ଵେଳାମାର୍ଗର ଜୋସେଫ ଗାର୍ଡେନଠାରେ ନିମାପଡ଼ା ମହାବିଦ୍ୟାଳୟରୁ ୧୯୮୧ ମସିହାରେ ସ୍ନାତକ ଡିଗ୍ରୀ ଉତ୍ତୀର୍ଣ୍ଣ ହୋଇଥିବା ସହପାଠୀମାନଙ୍କର ଏକ ବନ୍ଧୁମିଳନ ସମାଵେଶ ଅନୁଷ୍ଠିତ ହୋଇଯାଇଛି । ୧୯୮୧ ମସିହାରେ ସ୍ନାତକ ଉତ୍ତୀର୍ଣ୍ଣ ହୋଇଥିବା ଛାତ୍ରଛାତ୍ରୀମାନେ ସଂପ୍ରତି ବରିଷ୍ଠ ନାଗରିକ। ଜୀବନ ସଂଘର୍ଷରେ ଵହୁ ଘାତ ପ୍ରତିଘାତ ଦେଇ ଗତି କରିଥିବା ଏହି ଵରିଷ୍ଠ ନାଗରିକମାନେ ସପରିବାର ଏକତ୍ରିତ ହୋଇ ନିଜ ନିଜର ଜୀଵନାନୁଭୂତି ଵଖାଣିଥିଲେ। ନିଜ ପରିଵାର ଵ୍ୟତିରକେ ସମାଜ କଲ୍ୟାଣ ପାଇଁ କିଏ କିପରି ଅବଦାନ ଦେଇ ପାରିଛନ୍ତି, ସେ ସଂପର୍କରେ ଆଲୋଚନା ହୋଇଥିଲା। ନିଜର ପରିବାରକୁ ସଂସ୍କାରିତ ତଥା ସଂସ୍କୃତିନିଷ୍ଠ କରିବା ସହିତ ପାରିପାର୍ଶ୍ବିକ ସାମାଜିକ ପରିବେଶକୁ ପରିପୁଷ୍ଟ କରିଵା ଦିଗରେ ସମସ୍ତେ ଯତ୍ନଵାନ ହେବାପାଇଁ ସାମୁହିକ ସଂକଳ୍ପ ନେଇଥିଲେ। ନିମାପଡ଼ା କଲେଜର ପୁରାତନ ଛାତ୍ର ସୁଧୀର ରଞ୍ଜନ, ଗୋପିନାଥ ଜେନା, ଵନରଞ୍ଜନ, ଲକ୍ଷ୍ମୀଧର ବେହେରା, ବିନୋଦିନୀ, ମମତା ଓ ପଵିତ୍ର ଏହି ସମାଵେଶକୁ ପରିଚାଳନା କରିଥିଲେ।