ଚାଷୀ, ଶିଳ୍ପୀ ଙ୍କୁ ସମ୍ବର୍ଦ୍ଧନା

ନିମାପଡ଼ା, (ସନ୍ତୋଷ ଦାଶ):ପୁରୀ ଜିଲ୍ଲା ନିମାପଡ଼ା ବ୍ଲକ ଶାଇଁସ ଶାସନ ପଞ୍ଚାୟତ ପକ୍ଷରୁ ୭୫ ତମ ଗଣତନ୍ତ୍ର ଦିବସ ପାଳନ ଅବସରରେ ପଞ୍ଚାୟତ ର ଶତାଧିକ ଚାଷୀ, ଟେରାକୋଟା ଶିଳ୍ପୀ, ଚିତ୍ରଶିଳ୍ପୀ ଙ୍କୁ ଉତ୍ତରୀୟ ଓ ମାନପତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା। ଏହି ସମ୍ବର୍ଦ୍ଧନା ଉତ୍ସବ ପଞ୍ଚାୟତ ର ସରପଞ୍ଚ ଦେବାଶିଷ ଆଚାର୍ଯ୍ୟ( ଟୁଲା ଭାଇନା) ଙ୍କ ନେତୃତ୍ୱ ରେ ଅନୁଷ୍ଠିତ ହୋଇଥିବା ବେଳେ ଅତିଥି ଭାବେ ବିଜେପି ନେତା ଦିଲ୍ଲୀପ ନାୟକ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ସତ୍ୟ ଖବର ର ସମ୍ପାଦକ ଅକ୍ଷୟ କୁମାର ନାୟକ,ସମିତି ସଭ୍ୟା ସନ୍ଧ୍ୟାରାଣୀ ରଥ, ପ୍ରଦୀପ ନାୟକ, ମନୋରଞ୍ଜନ ରଥ,ସନ୍ତୋଷ ରଥ, ନାଏବ ସରପଞ୍ଚ ଅନୁପମା ନାୟକ,ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ଅରବିନ୍ଦ ବେହେରା, ସୌଭାଗ୍ୟ ବିଶ୍ବାଳ , ପୂର୍ବତନ ସରପଂଚ ସୁଶାନ୍ତ ପ୍ରଧାନ ପ୍ରମୁଖ ଯୋଗଦାନ କରି ଶାଇଁସ ପଞ୍ଚାୟତ କୁ ଶ୍ରେଷ୍ଠ ପଞ୍ଚାୟତ ର ମାନ୍ୟତା ପ୍ରଦାନ କରିବାକୁ ଦାବି କରିଥିଲେ। ଶିକ୍ଷାବିତ ପ୍ରଫୁଲ୍ଲ ସାମନ୍ତରାୟ ଉତ୍ସବ କୁ ସଂଯୋଜନା କରିଥିବାବେଳେ ନକୁଳ ଚନ୍ଦ୍ର ପ୍ରଧାନ ଅଧ୍ୟକ୍ଷତା କରିଥିଲେ। ସମସ୍ତେ ବାଲ୍ୟ ବିବାହ ପ୍ରଥା କୁ ବିରୋଧ କରିବାକୁ ଶେଷରେ ଶପଥ ଗ୍ରହଣ କରିଥିଲେ।