ରାଜଧାନୀ ଏକ୍ସପ୍ରେସରେ ଲାଗିଲା ନିଆଁ; ଯାତ୍ରୀ ସୁରକ୍ଷିତ
ବାଲେଶ୍ୱର : ଟ୍ରେନ ଯାତ୍ରାର ସୁରକ୍ଷାକୁ ନେଇ ସାଧାରଣରେ ଉଠିଛି ପ୍ରଶ୍ନ । ବିଭିନ୍ନ ସମୟରେ ଟ୍ରେନରେ ଅଗ୍ନିକାଣ୍ଡ, ଲାଇନଚ୍ୟୁତ, ଟ୍ରେନ ଦୁର୍ଘଟଣା ଆଦି ଘଟଣା ଘଟି ବହୁ ଧନଜୀବନ ନଷ୍ଟ ହେବାରେ ଲାଗିଛି । ଏପରିକି ଆଜି ନୁଆଦିଲ୍ଲୀ ରୁ ଭୁବନେଶ୍ୱର ଯାଉଥିବା ରାଜଧାନୀ ଏକ୍ସପ୍ରେସ ଅତାପୁର ନିକଟରେ ଅଗ୍ନିକାଣ୍ଡ ଘଟିଛି । ଏଥିରେ କୌଣସି ଯାତ୍ରୀଙ୍କର କ୍ଷତି ହୋଇନଥିବା ବେଳେ ଜେନେରେଟର ଚାଲିଥିବା ବଗିରେ ନିଆଁ ଲାଗିଯାଇଥିଲା । ଡ୍ରାଇଭର ଏହା ଜାଣିପାରି ବଡ ଧରଣର ଦୁର୍ଘଟଣା ପୂର୍ବରୁ ଟ୍ରେନକୁ ଅଟକାଇଥିଲେ । ବଗିକୁ ଯାତ୍ରୀ ଯାଉଥିବା ବଗିଠାରୁ ବିଚ୍ଛିନ୍ନ କରାଯାଇଥିଲା । ଖବର ପାଇ ସ୍ଥାନୀୟ ପୋଲିସ ଓ ଦମକଳଙ୍କ ସହାୟତାରେ ନିଆଁକୁ ଆୟତ୍ତ କରିଥିଲେ । କୌଣସି ଯାତ୍ରୀବାହି ବଗିରେ କିମ୍ବା ଯାତ୍ରୀଙ୍କର କୌଣସି କ୍ଷତି ହୋଇନଥିଲା । ଜେନେରେଟର ବଗିକୁ ବିଚ୍ଛିନ୍ନ ପରେ ଟ୍ରେନଟି ୩ଟା ସମୟରେ ଗନ୍ତବ୍ୟ ସ୍ଥଳକୁ ଯାତ୍ରା କରିଥିଲା ।
