ପ୍ରବାଦ ପୁରୁଷଙ୍କ ୧୦୪ ତମ ଜନ୍ମଜୟନ୍ତୀ

ଯାଜପୁର : ବରୀ ନିର୍ବାଚନ ମଣ୍ଡଳୀ ଅନ୍ତର୍ଗତ ହରିପୁର ଠାରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୧୦୪ ତମ ଜନ୍ମଜୟନ୍ତୀ ମହାସମାରୋହରେ ପାଳିତ ହୋଇଯାଇଛି । ଏଥିରେ ଭିନ୍ନକ୍ଷମ ଶସକ୍ତିକରଣ ଓ ସାମାଜିକ ସୁରକ୍ଷା ମନ୍ତ୍ରୀ ଅଶୋକ ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇ ବରୀ ସହିତ ବିଜୁ ବାବୁଙ୍କ ସଂପର୍କ ବିଷୟରେ ଆଲୋଚନା କରିଥିଲେ । ମାନ୍ୟବର ମୁଖ୍ୟମନ୍ତ୍ରୀଙ୍କ ଆହ୍ୱାନରେ ବିଜୁ ଜନତା ଦଳ ଗୋଟିଏ ପରେ ଗୋଟିଏ ବିକାଶର ପାହାଚ ଅତିକ୍ରମ କରୁଛି ଏବଂ ଏହି ଧାରା ଆଗାକୁ ଜାରି ରହିବ ବୋଲି ସେ କହିଥିଲେ । ଅନ୍ୟତମ ଅତିଥି ଭାବେ ଯାଜପୁର ସାଂସଦ ସର୍ମିଷ୍ଠା ସେଠୀ ଯୋଗ ଦେଇ ଇଣ୍ଡୋନେସିଆର ଭୁମିପୁତ୍ର ତଥା ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ବିଜୁ ବାବୁଙ୍କ ଓଡ଼ିଶା ପ୍ରତି ଅବଦାନକୁ ପ୍ରତ୍ୟେକ ଓଡ଼ିଶା ମନେ ରଖିବା ଉଚିତ ବୋଲି ମତବ୍ୟକ୍ତ କରିଥିଲେ । ଏହି ସମାବେଶରେ ବରୀ ବିଧାୟିକା ସୁନନ୍ଦା ଦାସ,ବିଜେଡିର ଜିଲା ସଭାପତି ସରୋଜ ମହାପାତ୍ର ପ୍ରମୁଖ ଯୋଗ ଦେଇ ସ୍ବର୍ଗତ ବିଜୁ ବାବୁଙ୍କୁ ମନେ ପକାଇବା ସହ ରାଜ୍ୟ ସରକାରଙ୍କ ବିଭିନ୍ନ ଲୋକାଭିମୁଖି ଯୋଜନା ସଂପର୍କରେ ସୂଚନା ଦେଇଥିଲେ । ଏହି ଅବସରରେ ବିଜେପି ନେତା ସୁବୋଧ ଜେନା ଓ ତାଙ୍କ ସମର୍ଥକ ମାନେ ବିଜେଡି ଦଳରେ ସାମିଲ କରାଯିବା ସହିତ ଅନ୍ୟାନ୍ୟ ନେତା ଓ କର୍ମୀଙ୍କୁ ସମ୍ବର୍ଦ୍ଧିତ କରାଯାଇଥିଲା ।