ଆହାର କେନ୍ଦ୍ର ପରିଦର୍ଶନ କଲେ ଉପଜିଲ୍ଲାପାଳ

ଛତ୍ରପୁର : ଆହାର କେନ୍ଦ୍ରକୁ ଅଚାନକ ଛତ୍ରପୁର ଉପଜିଲ୍ଲାପାଳ ପ୍ରିୟରଂଜନ ପୃଷ୍ଟି ଓ ଛତ୍ରପୁର ଏନଏସି କାର୍ଯ୍ୟନିର୍ବାହୀ ଅଧିକାରୀ ବିକ୍ରମ କୁମାର ଦୋରା ପରିଦର୍ଶନ କରି କେନ୍ଦ୍ର ପରିସର ସଫା ସୁତରା ଓ ଖାଦ୍ୟ ସାମଗ୍ରୀ କିପରି ସଫା ସୁତରା ରହିଛି ତାହାର ଅନୁଧ୍ୟାନ କରିବା ସହ ଆହାର କେନ୍ଦ୍ରରେ ଥିବା କର୍ମଚାରୀ ଏବଂ ଲୋକମାନଙ୍କୁ କରୋନା ଭାଇରସ ଉପରେ ସଚେତନ କରାଇଥିଲେ । ସମସ୍ତେ ହାତ ଧୋଇବାକୁ କହିଥିଲେ । ଏହାସହ ତାଙ୍କ ଉପସ୍ଥିତିରେ ଲୋକମାନେ କେମିକାଲ ମଧ୍ୟମରେ ହାତ ଧୋଇଥିଲେ । କେନ୍ଦ୍ର ପରିସର ପରିଷ୍କାର ପରିଚ୍ଛନ୍ନ ରଖିବା ସହ ଲୋକମାନଙ୍କୁ ବ୍ୟାପକ ସଚେତନତା କରିବା ନିମନ୍ତେ କେନ୍ଦ୍ରର ସମସ୍ତ କର୍ମଚାରୀମାନଙ୍କୁ ଉପଜିଲ୍ଲାପାଳ ପୃଷ୍ଟି ପରାମର୍ଶ ଦେଇଥିଲେ ।