ଚାଲିଛି ଭୂତ ଓ ସାପ ନାଁରେ ସ୍କୁଲ

ଭୂତ ଓ ସାପ ଭଳି ଅଜବ ନାମରେ ଚାଲୁଥିବା ସ୍କୁଲକୁ ପିଲା ଯାଉଛନ୍ତି । ଅଭିଭାବକମାନେ ବି ନିଜ ପିଲାଙ୍କୁ ପଠାଉଛନ୍ତି । ପଶ୍ଚିମବଙ୍ଗର ନଦିୟା ଜିଲ୍ଲାରେ ଚାଲିଛି ଏମିତିକା ସ୍କୁଲ । ଏବେ କିନ୍ତୁ ଅଭିଭାବକମାନେ ସଫା କହିଦେଇଛନ୍ତି ଯେ, ସ୍କୁଲର ନାମ ନ ବଦଳାଇଲେ ସେମାନେ ଆଉ ପିଲା ପଠାଇବେ ନାହିଁ । ଏହାକୁ ଲକ୍ଷ୍ୟ କରି ସ୍କୁଲର ନାମ ଶୀଘ୍ର ପରିବର୍ତ୍ତନ କରାଯିବ ବୋଲି ଅଧିକାରୀମାନେ କହିଛନ୍ତି । ଘୋଷ୍ଟ(ଭୂତ) କଲୋନୀ ପ୍ରାଇମେରୀ ସ୍କୁଲ, ଡେଡ୍ ସ୍ନେକ୍, କିଲ୍ ହ୍ୟୁମାନ, କିଲ୍ ହର୍ସ ନାମରେ ବି ବହୁ ସ୍କୁଲ ରହିଛି । ଅଭିଭାବକମାନେ ବହୁ ଥର ସ୍କୁଲର ନାମ ଉପରେ ଅଭିଯୋଗ କରିଆସୁଥିଲେ ମଧ୍ୟ ଏଯାବତ୍ କିଛି ପଦକ୍ଷେପ ନିଆଯାଇନାହିଁ । ଏହାର ନାମ ଶୀଘ୍ର ପରିବର୍ତ୍ତନ କରାଯିବ ବୋଲି କହିଛନ୍ତି ଅଧିକାରୀମାନେ । ଶିକ୍ଷକମାନେ ମଧ୍ୟ ସେହି ସବୁ ସ୍କୁଲରେ ପଢ଼ାଇବାକୁ ଆଗ୍ରହ ପ୍ରକାଶ କରୁନାହାନ୍ତି ।