ବନ୍ଦ କୋଠରୀରୁ ଯୁବକଙ୍କ ଗଳିତ ଶବ ଉଦ୍ଧାର

ହିଞ୍ଜିଳିକାଟୁ, (ଶେଷଦେବ ସାହୁ): ହିଞ୍ଜିଳି ଥାନା ରାଳବ ଗ୍ରାମର ଏକ ବନ୍ଦ କୋଠରୀରୁ ଜୈନିକ ଯୁବକଙ୍କ ଗଳିତ ଶବକୁ ପୋଲିସ ଉଦ୍ଧାର କରିଛି । ମୃତକ ଜଣକ ହିଞ୍ଜିଳି ଥାନା ରାଳବ ଗ୍ରାମର କେଙ୍ଗାଳି ରାଉତଙ୍କ ପୁଅ ନବୀନ ରାଉତ(୩୮) । ଏ ନେଇ ନଂ- ୭/୧୯ ରେ ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ଜବତ କରିବା ସହ ବ୍ୟବଛେଦ ସକାଶେ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ପଠାଇ ଘଟଣାର ତଦନ୍ତ ଚଳାଇଛି । ମିଳିଥିବା ସୂଚନା ପ୍ରକାରେ, ନବୀନ ଦୀର୍ଘ ଦିନ ଧରି ପରିବାର ସଦସ୍ୟଙ୍କ ସହ କଳି ଝଗଡ଼ା କରି ଘରେ ଏକୁଟିଆ ରହି ଆସୁଥିଲେ । ସୋମବାର ରାତିରେ ଯୁବକ ଜଣକ ପ୍ରଚୁର ମଦ୍ୟପାନ କରି ଗ୍ରାମର କିଛି ଲୋକଙ୍କ ସହ କଳି ଝଗଡ଼ା କରିଥିଲେ । ପରବର୍ତୀ ସମୟରେ ସେହିଦିନ ଠାରୁ ଯୁବକଙ୍କୁ କେହି ଦେଖିନଥିଲେ । ବୁଧବାର ବିଳମ୍ବିତ ରାତିରେ ଘର ମଧ୍ୟରୁ ଦୁର୍ଗନ୍ଧ ହେବାରୁ ଗୁରୁବାର ସକାଳେ ଗ୍ରାମବାସୀ ହିଞ୍ଜିଳି ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ରାଳବ ଗ୍ରାମରେ ପଂହଚି ଘରର ବାହାରପଟ କବାଟ ଭାଙ୍ଗି ଶବକୁ ଜବତ କରିଛି । ପ୍ରକାଶ ଥାଉକି, ନବୀନଙ୍କ ଘରର ବାହାର ପଟ କବାଟ ଘର ଭିତରୁ ବନ୍ଦ ରହିଥିବା ବେଳେ ବାରିପଟ କବାଟ ଖୋଲା ରହିଥିବାରୁ ନାନା ସନ୍ଦେହ କରାଯାଉଛି । ବ୍ୟବଛେଦ ରିପୋର୍ଟ ମିଳିବା ପରେ ମୃତ୍ୟୁର ସଠିକ କବର ଜଣାପଡ଼ିବ ବୋଲି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାଶ କହିଛନ୍ତି ।