ନାଉଗାଁ ଥାନାରେ ନୂତନ ଥାନାଧିକାରୀଙ୍କ ଯୋଗଦାନ

ନାଉଗାଁ,(ଓ୍ବାଇଏନ୍ଏସ୍):ନାଉଗାଁ ଥାନାରେ ନୂତନ ଥାନାଧିକାରୀ ଭାବେ ଭରତ ଚନ୍ଦ୍ର ବେହେରା ସୋମବାର ଯୋଗଦାନ କରିଛନ୍ତି । ପୂର୍ବରୁ ଉକ୍ତ ଥାନାରେ ଥାନାଧିକାରୀ ଭାବେ କାର୍ଯ୍ୟ କରୁଥିବା ଗୋବର୍ଦ୍ଦନ ସାହୁଙ୍କ ଜିଲା ମୁଖ୍ୟ କାର୍ଯ୍ୟାଳୟକୁ ସ୍ଥାନାନ୍ତର ପରେ ତାଙ୍କ ସ୍ଥାନରେ ଭରତ ଚନ୍ଦ୍ର ବେହେରା ଯୋଗ ଦେଇଛନ୍ତି । ନୂତନ ଥାନାଧିକାରୀ ବେହେରାଙ୍କୁ ସାହୁ ଦାୟିତ୍ୱ ଭାର ପ୍ରଦାନ କରିଛନ୍ତି । ଦାୟିତ୍ୱ ଗ୍ରହଣ କରିବା ପରେ ଥାନା ଅଂଚଳରେ ଚୋରା ମଦ, ଜୁଆ ଓ ବ୍ରାଉନ ସୁଗାର କାରବାରକୁ ରୋକିବା ଦିଗରେ ଯତପରନାସ୍ତି ଚେଷ୍ଟା କରିବା ସହ ଲୋକ ମାନଙ୍କର ବିଭିନ୍ନ ସମସ୍ୟାକୁ ତୁରନ୍ତ ସମାଧାନ କରିବା, ଆଇନ ଶୃଙ୍ଖଳା ଦିଗରେ ଧ୍ୟାନ ଦେବା ସହ ଜନସାଧାରଣଙ୍କ ସହଯୋଗରେ କାର୍ଯ୍ୟ କରିବା ପାଇଁ ବେହେରା ମତବ୍ୟକ୍ତ କରିଛନ୍ତି । ଦାୟିତ୍ୱ ଗ୍ରହଣ କରିବା ପରେ ଗାରୋଇ ଫାଣ୍ଡିଙ୍କୁ ପରିଦର୍ଶନରେ ଯାଇଥିବା ଜଣାଯାଇଛି ।