କଳା ପଲସରର ଆତଙ୍କ 

କଳାହାଣ୍ଡି, (ରଜନୀକାନ୍ତ ମିଶ୍ର): କଳାହାଣ୍ଡି ଜିଲ୍ଲା ଭବାନୀପାଟଣା ସହରରେ ଏବେ କଳା ପାଲସର ଆତଙ୍କ ଦେଖିବାକୁ ମିଳିଛି। ଦିନ ଦିପହରେ ମହିଳାଙ୍କ ବେକାରୁ ଚେନ ଚାମ୍ପି ନେଲେ ଲୁଟେରା । ସୂଚନା ଅନୁଯାୟୀ ଭବାନୀପାଟଣା ସହର ଇରିଗେସନ କଲୋନୀ ଲେନ ନମ୍ବର ୮ ରେ ଥିବା ଏକ ଗ୍ରୋସରୀ ଦୋକାନ କୁ ଗ୍ରାହକ ବେଶରେ ଦୁଇ ଜଣ ଦୁର୍ବୁତ୍ତ ଏକ କଳା ପଲସର ରେ ଆସି ମହିଳାଙ୍କ ବେକରୁ ହାର ଚେନ ନେଇଥିବା ଜଣାପଡିଛି। ଏନେଇ ମହିଳା ଜଣକ ଟାଉନ ଥାନାରେ ଅଭିଯୋଗ କରିଥିବା ବେଳେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ସହରରେ ଏବେ ପୁଣି ଥରେ କଳା ପଲସର ଆତଙ୍କ ଦେଖିବାକୁ ମିଳିଛି ।