ପୈାରପାଳିକାରେ ବିଜ୍ଞପ୍ତି ଘୋଷଣା ପୂର୍ବରୁ ନିର୍ବାଚନୀ ଉଷ୍ମତା

କେନ୍ଦ୍ରାପଡା, (ଚିତ୍ତରଞ୍ଜନ ଦାସ) :-କେନ୍ଦ୍ରାପଡା ଜିଲ୍ଲାର ପଟ୍ଟାମୁଣ୍ଡାଇ ପୈାରପାଳିକା ନିର୍ବାଚନ ପାଇଁ ବିଜ୍ଞପ୍ତି ଘୋଷଣା ହେବା ପୂର୍ବରୁ ପୈାରାଞ୍ଚଳରେ ନିର୍ବାଚନୀ ଉଷ୍ମତା ଦେଖିବାକୁ ମିଳିଛି । ପଟ୍ଟାମୁଣ୍ଡାଇ ପୈାରପାଳିକାର ୨୦ଟି ୱାର୍ଡ ମଧ୍ୟରୁ ୧୯ଟିରେ ସେଭଳି କୈାଣସି ନିର୍ବାଚନୀ ଉସ୍ମତା ଦେଖିବାକୁ ମିଳି ନଥିବା ବେଳେ ପୈାରପାଳିକାର ୧୯ନମ୍ବର ୱାର୍ଡରେ ସମାଜସେବୀ ତଥା ଯୁବନେତା ସଞ୍ଜୟ କୁମାର ପଣ୍ଡା ଆଗାମୀ ପୈାରନିର୍ବାଚନରେ ସେହି ୱାର୍ଡରୁ କାଉନସିଲର ପ୍ରାର୍ଥୀ ହେବାର ସମ୍ଭାବନା ଥିବା ତାଙ୍କ ନିର୍ବାଚନୀ ପ୍ରଚାରରୁ ଦେଖିବାକୁ ମିଳିଛି । ଫଳରେ ସେଠାରେ ନିର୍ବାଚନ ପୂର୍ବରୁ ନିର୍ବାଚନୀ ଉସ୍ମତା ଦେଖିବାକୁ ମିଳିଛି । ଶ୍ରୀ ପଣ୍ଡା ୧୯ନମ୍ବର ୱାର୍ଡରେ ଘରକୁ ଘର ବୁଲି ଲୋକମାନଙ୍କୁ ଭେଟିବା ସହିତ ଆଗାମୀ ପୈାର ନିର୍ବାଚନରେ ତାଙ୍କୁ ପୂର୍ଣ୍ଣ ସମର୍ଥନ କରିବାକୁ ଭୋଟରମାନଙ୍କୁ ନିବେଦନ କରୁଛନ୍ତି । ବିଗତ ଦିନରେ ବିଭିନ୍ନ ପ୍ରାକୃତିକ ବିପର୍ଯ୍ୟୟ ଓ ଦୁସ୍ଥିତି ସମୟରେ ଲୋକମାନଙ୍କୁ ସହାୟତାର ହାତ ବଢାଇଥିବା ଯୁବନେତା ଶ୍ରୀ ପଣ୍ଡା ୧୯ନମ୍ବର ୱାର୍ଡରେ ବେଶ ପରିଚିତ ଥିବା ଦେଖିବାକୁ ମିଳିଛି । ପୈାର ନିର୍ବାଚନ ପାଇଁ ନିର୍ବାଚନ କମିଶନଙ୍କ ପକ୍ଷରୁ ବିଜ୍ଞପ୍ତି ଜାରି ହୋଇନଥିବା ବେଳେ ଯୁବନେତା ଶ୍ରୀ ପଣ୍ଡା କିନ୍ତୁ ସେହି ୱାର୍ଡର ପ୍ରତ୍ୟେକ ଘରେ ଘରେ ଲୋକମାନଙ୍କ ମନ ଭିତରେ ରହି ସାରିଥିବା ଜଣାପଡିଛି । ୱାର୍ଡବାସୀଙ୍କ ସମର୍ଥନ ଧିରେ ଧିରେ ଶ୍ରୀ ପଣ୍ଡାଙ୍କ ପ୍ରତି ବୃଦ୍ଧି ପାଉଥିବା ଦେଖାଯାଇଛି । ସେହି ୱାର୍ଡର ଭୋଟରମାନଙ୍କ ଆକୁଣ୍ଠ ସମର୍ଥନ ପାଇପାରିଲେ ଶ୍ରୀ ପଣ୍ଡା ଆଗାମୀ ନିର୍ବାଚନରେ କାଉନସିଲର ଭାବେ ନିର୍ବାଚିତ ହେବାରେ କୈାଣସି ପ୍ରତିବନ୍ଧକ ରହିବ ନାହିଁ ।