ସରପଂଚ ପ୍ରାର୍ଥିନୀଙ୍କ ପ୍ରଚାର ଜୋରଦାର

ଛତ୍ରପୁର, (ଦେବଦତ୍ତ ମହାରଣା) :-ନିର୍ବାଚନକୁ ବାକି ରହିଲା ଆଉ ଅଳ୍ପ ଦିନ । ଏଥିଲାଗି ବିଭିନ୍ନ ପଂଚାୟତରେ ବିଭିନ୍ନ ପ୍ରାର୍ଥୀ ମାନେ ନିଜ ନିଜ ପ୍ରଚାର ଜୋରଦାର କରିଛନ୍ତି । ଏହି ପରିପ୍ରେକ୍ଷୀରେ ଶୁକ୍ରବାର ଛତ୍ରପୁର ବ୍ଲକ ଅନ୍ତର୍ଗତ କଣମଣା ପଂଚାୟତର ସରପଂଚ ପ୍ରାର୍ଥିନୀ ବି. ଦମୟନ୍ତି ତାଙ୍କ ପ୍ରଚାର କାର୍ଯ୍ୟକ୍ରମକୁ ଜୋରଦାର କରିଛନ୍ତି । ପଂଚାୟତରେ ଶିକ୍ଷା, ସ୍ୱାସ୍ଥ୍ୟ, ଗମନାଗମନ ଆଦି କ୍ଷେତ୍ରରେ ସୁବ୍ୟବସ୍ଥା କରିବା ସହିତ ପଂଚାୟତ ବାସୀଙ୍କ ଦୁଃଖ ସୁଖରେ ସାଥି ହୋଇ ଛିଡା ହେବା ପ୍ରତିଶୃତି ଦେଇ ବି. ଦମୟନ୍ତି ବାଟ ଛତ୍ରପୁର ଗ୍ରାମର ଘରକୁ ଘର ବୁଲି ଲୋକଙ୍କୁ ଭୋଟ ଭିକ୍ଷା କରିଛନ୍ତି । ବି. ଦମୟନ୍ତିଙ୍କ ଏହି ପ୍ରଚାର ବେଳେ କଣମଣା ସରପଂଚ ଏସ୍‌. ଚକ୍ରପାଣି ରେଡ୍ଡି, ସମିତି ସଭ୍ୟ ରଶ୍ମିତା ବେହେରା, ପୂର୍ବତନ ସରପଂଚ ସ୍ମୃତି କୁମାରୀ ସାହୁ, ବିଜେଡି ଯୂବ ନେତା ଗଣେଷ ସାହୁଙ୍କ ସମେତ ଶତାଧିକ ସମର୍ଥକ ମାନେ ଉପସ୍ଥିତ ରହି ବି. ଦମୟନ୍ତିଙ୍କୁ ବିପୁଳ ସଂଖ୍ୟାରେ ଭୋଟ ଦେଇ ଜୟଯୁକ୍ତ କରିବା ପାଇଁ ଲୋକଙ୍କୁ ନିବେଦନ କରିଥିଲେ ।