ବ୍ଲକ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ

କୋଦଳା, (ଗୁଲସନ୍ କୁମାର କର) :-ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ଜନତା ନୋଡାଲ ଉଚ୍ଚ ବିଦ୍ୟାଳୟ ପରିସରରେ ଶନିବାର ଦିନ ବ୍ଲକ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ଏହାକୁ ଏବିଡ଼ିଓ ନିରଞ୍ଜନ ବେହେରା ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଏଥିରେ ଏବିଇଓ ସୁଷମା ଶବର , ପ୍ରଧାନ ଶିକ୍ଷକ କେ.ଭୀମ ରାଜୁ ପାତ୍ର ଉପସ୍ଥିତ ଥିଲେ । ଏଥିରେ ଷଷ୍ଟ ଶ୍ରେଣୀ ଠାରୁ ଦଶମ ଶ୍ରେଣୀ ର ମୋଟ 97 ଟି ପ୍ରକଳ୍ପ ନେଇ ଛାତ୍ରୀଛାତ୍ର ଅଂଶଗ୍ରହଣ କରିଥିଲେ । ସେଥି ମଧ୍ୟରୁ କୋଦଳା ସ୍ଵର୍ଣମୟୀ ଉଚ୍ଚ ବିଦ୍ୟାଳୟ ର ନବମ ଶ୍ରେଣୀ ଛାତ୍ର ସାଗର ପଲାଇ , ଫାଶୀ ସ୍ଥିତ ମାଣିକେଶ୍ଵର ହାଇ ସ୍କୁଲ ର ନବମ ଶ୍ରେଣୀ ଛାତ୍ରୀ ସ୍ମୃତି ଅମ୍ରିତା ଦାସ ଓ ଜନତା ନୋଡାଲ ହାଇସ୍କୁଲ ର ଅଷ୍ଟମ ଶ୍ରେଣୀ ଛାତ୍ର ଏମ.ଶୁଭ୍ରାଂଶୁ ଶେଖର ପାତ୍ର ଙ୍କ ପ୍ରକଳ୍ପ ଜିଲ୍ଲା ସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବା ପାଇଁ ମନୋନୀତ କରାଯାଇଛି । ଜର୍ଜ ଭାବେ କୋଦଳା ଲକ୍ଷ୍ମୀ ନାରାୟଣ ମହାବିଦ୍ୟାଳୟ ର ଅଧ୍ୟାପକ ରତ୍ନାକର ପ୍ରଧାନ ଓ ଶେଷଲିପି ନାୟକ ଯୋଗଦେଇ ମୁଲ୍ୟାଙ୍କନ କରିଥିଲେ । ଏଥିରେ ବରିଷ୍ଠ ଶିକ୍ଷକ ପଙ୍କଜ କୁମାର ବେହେରା , ସି ଆର ସି ସି , ଓ ଶିକ୍ଷକ ଶିକ୍ଷୟତ୍ରୀ ସହଯୋଗ କରିଥିଲେ ।