ଭଞ୍ଜନଗରରେ ବିଜ୍ଞାନରେ ବର୍ଷାରାଣୀ ଏବଂ ବାଣିଜ୍ୟରେ ତପନ ଟପର
ଭଞ୍ଜନଗର, (ସନ୍ତୋଷ କୁମାର ଜେନା) : ଆଜି ଅପରାହ୍ନରେ ପ୍ରକାଶ ପାଇଛି ଯୁକ୍ତ ଦୁଇ ବିଜ୍ଞାନ ଓ ବାଣିଜ୍ୟ ପରୀକ୍ଷା ଫଳ। ଏହି ପରୀକ୍ଷାରେ ଭଞ୍ଜନଗର କବି ସମ୍ରାଟ୍ ଉପେନ୍ଦ୍ର ଭଞ୍ଜ ଉଚ୍ଚ ମାଧ୍ୟମିକ ବିଦ୍ୟାଳୟର ବର୍ଷାରାଣୀ ଗୌଡ ବିଜ୍ଞାନରେ ସର୍ବାଧିକ ୫୩୬(୮୯.୩୭%) ମାର୍କ ରଖିଥିବା ବେଳେ ବାଣିଜ୍ୟରେ ତପନ କୁମାର ସାହୁ ୫୨୬(୮୭%) ମାର୍କରେ ଉତ୍ତୀର୍ଣ୍ଣ ହୋଇଛନ୍ତି । ସେହିପରି ଘୁମୁସର ଆବାସିକ ମହାବିଦ୍ୟାଳୟର ଛାତ୍ରୀ ପୂଜା ପ୍ରିୟଦର୍ଶନୀ ବେହେରା ବିଜ୍ଞାନରେ ୫୦୯(୮୫%) ଏବଂ ସାବିତ୍ରୀ ମହିଳା ମହା ବିଦ୍ୟାଳୟର ଛାତ୍ରୀ ସ୍ୱାଗତିକା ଆଚାରୀ ୪୯୮(୮୩%) ମାର୍କ ରଖି କଲେଜ ଟପର ହୋଇଥିବା ସଂପୃକ୍ତ ଶିକ୍ଷାନୁଷ୍ଠାନ ପକ୍ଷରୁ ସୂଚନା ଦିଆଯାଇଛି । କେଏସ୍ୟୁବି କଲେଜରେ ବିଜ୍ଞାନରେ ୧୪୩ ଜଣ ଛାତ୍ରଛାତ୍ରୀ ରହିଥିବା ବେଳେ ସେଥିରୁ ୧୪୩ ଜଣ ପ୍ରଥମ ହୋଇଥିବା ବେଳେ, ୪୭ ଜଣ ଦ୍ୱିତୀୟ,୪୯ ଜଣ ତୃତୀୟ ଶ୍ରେଣୀରେ ଉର୍ତ୍ତିର୍ଣ୍ଣ ହୋଇଛନ୍ତି। ସେହିପରି ବାଣିଜ୍ୟରେ ୩୧ ଜଣ ଛାତ୍ରଛାତ୍ରୀ ରହିଥିବା ବେଳେ ୧୨ ଜଣ ପ୍ରଥମ,୮ ଜଣ ଦ୍ୱିତୀୟ ଏବଂ ୮ ଜଣ ତୃତୀୟ ହୋଇଥିବା ଅଧ୍ୟକ୍ଷ ରାଜେନ୍ଦ୍ର କୁମାର ଦାଶ ପ୍ରକାଶ କରିଛନ୍ତି । ଘୁମୁସର ଅବାସିକ ମହାବିଦ୍ୟାଳୟରେ ୯୬ ପ୍ରତିଶତ ପରୀକ୍ଷା ଫଳ ହୋଇଥିବା ବେଳେ ବିଜ୍ଞାନରେ ମୋଟ ୨୭ ଜଣଙ୍କ ମଧ୍ୟରୁ ୧୭ ଜଣ ପ୍ରଥମ,୬ ଜଣ ଦ୍ବିତୀୟ ଏବଂ ଜଣେ ତୃତୀୟ ହୋଇଛନ୍ତି । ସାବିତ୍ରୀ ମହିଳା ମହାବିଦ୍ୟାଳୟରେ ୧୦୩ ଜଣ ଛାତ୍ରୀଙ୍କ ମଧ୍ୟରୁ ୫୨ ଜଣ ପ୍ରଥମ, ୩୭ ଜଣ ଦ୍ୱିତୀୟ ଏବଂ ୪ଜଣ ତୃତୀୟ ହୋଇଥିବା ଅଧ୍ୟକ୍ଷ ଜୟରାମ ସେନାପତି ପ୍ରକାଶ କରିଛନ୍ତି ।
