ନିଖୋଜ ମହିଳାଙ୍କ ଝୁଲନ୍ତା ଶବ ଉଦ୍ଧାର
ବେଲଗୁଣ୍ଠା, (ସନ୍ତୋଷ ବିଶୋଇ):ଗାଙ୍ଗପୁର ଥାନା ଅନ୍ତର୍ଗତ ବରପଲ୍ଲୀ କେନାଲ୍ ନିକଟରୁ ଜଣେ ମହିଳାଙ୍କ ଝୁଲନ୍ତା ଶବ ଉଦ୍ଧାର କରିଛି ଗାଙ୍ଗପୁର ପୋଲିସ୍ I ସୂଚନା ପ୍ରକାରେ ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଅନ୍ତର୍ଗତ ବରପଲ୍ଲୀ ଗ୍ରାମର ସ୍ୱର୍ଗତ ଖଦାଳ ନାୟକଙ୍କ ସ୍ତ୍ରୀ ଶୈଳବାଳା ନାୟକ (୫୨) ଗତ ତିନି ଧରି ଘରୁ କୁଆଡେ଼ ନିଖୋଜ ଥିଲେ I ଏନେଇ ପରିବାର ଲୋକେ ଗାଙ୍ଗପୁର ଥାନାରେ ଅଭିଯୋଗ କରିଥିଲେ I ଆଜି ସକାଳ ଛଅ ଘଣ୍ଟା ସମୟରେ ବରପଲ୍ଲୀ- ବେଣୀପଲ୍ଲୀ କେନାଲ୍ ନିକଟ ଏକ ଗଛରେ ଶୈଳବାଳାଙ୍କ ଶବ ଝୁଲି ରହିଥିବା କିଛି ସ୍ଥାନୀୟ ଲୋକ ଦେଖିବା ପରେ ତାଙ୍କ ପରିବାରକୁ ଖବର ଦେଇଥିଲେ I ଶୈଳବାଳାଙ୍କ ପୁଅ ଗଙ୍ଗାଧର୍ ନାୟକ ଗାଙ୍ଗପୁର ଥାନାକୁ ଜଣାଇବା ପରେ ଗାଙ୍ଗପୁର ପୋଲିସ୍ ଘଟଣା ସ୍ଥଳରେ ପହଞ୍ଚି ଶୈଳବାଳାଙ୍କ ଶବକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଥିଲେ I ଘଟଣା ସମ୍ପର୍କରେ ଏକ ମାମଲା ରୁଜୁ କରାଯାଇ ତଦନ୍ତ କରାଯାଉଥିବା ଗାଙ୍ଗପୁର ଥାନା ଅଧିକାରୀ ଶୁଭେନ୍ଦୁ କୁମାର ସାହୁ ପ୍ରକାଶ କରିଛନ୍ତି I
