ମାଟି ଖନନ ମାଫିଆଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ

ବାଲେଶ୍ୱର, (ସରୋଜ ପଣ୍ଡା):ବେଆଇନ ମାଟି ଖନନକୁ ମୁକାବିଲା କରିବା ପାଇଁ ବାଲେଶ୍ୱର ଜିଲ୍ଲା ପ୍ରଶାସନ ପକ୍ଷରୁ ମାଟି ଖନନ ମାଫିଆଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଇଛି I ସଦର ତହସିଲଦାର ଶ୍ରୀ ଆଶିଷ କୁମାର ମହାପାତ୍ରଙ୍କ ନେତୃତ୍ୱରେ ହୋଇଥିବା ଏହି ଚଢ଼ଉରେ ଖଣି ଅଧିକାରୀ ଶ୍ରୀମତୀ ସନ୍ତୋଷୀ ସେଠି ଏବଂ ଚାନ୍ଦିପୁର ପୋଲିସ ଅଧିକାରୀଙ୍କ ମିଳିତ ଟିମ୍ ବେଆଇନ ମାଟି ଖନନ କାର୍ଯ୍ୟକଳାପର ଏକ ନେଟୱାର୍କ ଉନ୍ମୋଚନ କରି ଶ୍ରୀକୋଣା ଠାରେ ଏହି ଚଢ଼ଉ କରିଥିଲେ। ଏହି ଚଢ଼ଉ ଦ୍ୱାରା ବେଆଇନ ମାଟି ଖନନ କାର୍ଯ୍ୟରେ ବ୍ୟବହୃତ ୨ ଗୋଟି ଜେସିବି ଓ ୨ ଗୋଟି ଟ୍ରାକଟର ଜବତ କରାଯାଇଥିଲା। ଜବତ ହୋଇଥିବା ଗାଡ଼ିଗୁଡ଼ିକ ଖଣି ଅଧିକାରୀଙ୍କୁ ହସ୍ତାନ୍ତର କରିବା ପରେ ଚାନ୍ଦିପୁର ପୋଲିସ ଷ୍ଟେସନ୍ କୁ ସ୍ଥାନାନ୍ତର କରାଯାଇଛି I