ଏନଟିପିସିରେ ଗ୍ରାମୀଣ ଫୁଟବଲ ଟୁର୍ନାମେଣ୍ଟ
ତାଳଚେର, (ୱଇଏନଏସ):ସମ୍ପ୍ରତି ତାଳଚେର ଥର୍ମାଲ ଠାରେ ଏନ. ଟି.ପି. ସି. ତରଫରୁ ପାର୍ଶ୍ୱ ବର୍ତ୍ତୀ ଗ୍ରାମାଞ୍ଚଳ ର ଯୁବକ ମାନଙ୍କୁ ନେଇ ଏକ ଦୁଇ ଦିନିଆ ଫୁଟବଲ ଟୁର୍ନାମେଣ୍ଟ ଅନୁଷ୍ଠିତ ହୋଇଯାଇଛି.ସ୍ଥାନୀୟ ତଥା ଜିଲ୍ଲା ସ୍ତରରୁ ଖେଳାଳି ମାନେ ଯୋଗ ଦେଇ ସେମାନଙ୍କର ପାରଦର୍ଶିତା ପ୍ରଦର୍ଶନ କରିଥିଲେ.ମ୍ୟାଚକୁ ଉଦଘାଟନ କରି କାର୍ଯ୍ୟକାରୀ ନିର୍ଦେଶକ ଶ୍ରୀ ଗୌତମ ଦେବ ଏନ. ଟି.ପି. ସି.ର ଏହି କାର୍ଯ୍ୟକ୍ରମ ସ୍ଥାନୀୟ ଯୁବା ବର୍ଗ ଙ୍କୁ ଖେଳ ରେ ଉତ୍କର୍ଷତା ପ୍ରଦର୍ଶନ ପାଇଁ ମାର୍ଗ ଦର୍ଶନ କରୁଥିବା କହିଥିଲେ.
ସନ୍ଥପଡା ଓ ଛେଣ୍ଡିପଦା ର ଟିମ ଶୀର୍ଷରେ ରହିଥିବାବେଳେ ଓ ଅନ୍ୟସମସ୍ତେ ଉତ୍ସାହ ସହ ଖେଳିଥିଲେ.ସମସ୍ତ ଖେଳାଳି ମାନଙ୍କୁ ଜର୍ସି ପ୍ରଦାନ କରାଯାଇଥିଲା. ଗ୍ରାମାଞ୍ଚଳ ଟିମ ମାନଙ୍କୁ ନେଟ, ବଲ ଓ ଅନ୍ୟ ଖେଳ ସାମଗ୍ରୀ ବଣ୍ଟନ କରାଯାଇଥିଲା.ମ୍ୟାଚ ସମୟରେ ସ୍ଥାନୀୟ ସରପଞ୍ଚ ଓ ବହୁ ଦର୍ଶକ ଏହାକୁ ଉପଭୋଗ କରିଥିଲେ.ଏହି ମ୍ୟାଚ ରୁ ଜିଲ୍ଲା ଓ ରାଜ୍ୟ ସ୍ତରକୁ ଖେଳାଳି ଚୟନ କରାଯାଇଥିଲା.
