ପାରଳା ରଥଯାତ୍ରାରେ ପ୍ରଭୁଙ୍କ ବରାହ ନୃସିଂହ ଅବତାର, ଭକ୍ତଙ୍କ ପ୍ରବଳ ଭିଡ଼

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଆନ୍ଧ୍ର ସୀମାନ୍ତରେ ଥିବା ପାରଳାଖେମୁଣ୍ଡି ସହରରେ ରଥଯାତ୍ରା ଦକ୍ଷିଣ ଓଡ଼ିଶାର ଶ୍ରୀକ୍ଷେତ୍ର ଭାବେ ପ୍ରସିଦ୍ଧି ଲାଭ କରିଛି. ଏହି ରଥଯାତ୍ରା ଅବସରରେ ଠାକୁରଙ୍କ ଆଜି 2ୟ ବରାହ – ନୃସିଂହ ଅବତାରକୁ ସୁସଜ୍ଜିତ ଭାବେ ସଜ୍ଜିତ କରାଯାଇ ଭକ୍ତ ଓ ଶ୍ରଦ୍ଧାଳୁଙ୍କ ଦର୍ଶନ ଦିଆଯାଇଛି. ଏହି ଅବତାର ଦେଖିବା ପାଇଁ ପ୍ରବଳ ଭିଡ଼ ଜମିଛି. ଠାକୁରଙ୍କ ବରାହ – ନୃସିଂହ ଅବତାର ଭକ୍ତ ଓ ଶ୍ରଦ୍ଧାଳୁଙ୍କ ବେଶ ଆକାଶ୍ରିତ କରିଛି. ହଜାର ହାଜର ସଂଖ୍ୟାରେ ଭକ୍ତମାନେ ଆଜି ପାରଳାଖେମୁଣ୍ଡି ଶ୍ରୀଗୁଣ୍ଡିଚା ମନ୍ଦିରରେ ପହଞ୍ଚି ପ୍ରଦୀପ ପ୍ରଜ୍ବଳନ କରି ପୂଜା ପାଠ ଦ୍ୱାରା ଠାକୁରଙ୍କ ଆଶିଷ ଭିକ୍ଷା କରିଥିବା ଲକ୍ଷ୍ୟ କରାଯାଇଛି.