ଚୋରି ଘଟଣାର ୪ ଗିରଫ ଚୋରି ବାଇକ ଓ ସାମଗ୍ରୀ ଜବତ

ରାୟଗଡ଼ା,(ଦୁର୍ଗା ପ୍ରସାଦ ପାଢ଼ୀ):ଦୁଇଟି ପୃଥକ ପୃଥକ ଘଟଣାରେ ଚାନ୍ଦିଲି ଥାନା ଏବଂ ରାୟଗଡା ଟାଉନ ଥାନା ପୋଲିସ ୪ ଜଣଙ୍କୁ ଗିରଫ କରିବା ସହିତ ଚୋରି ହୋଇଥିବା ସାମଗ୍ରୀ ଜବଡ଼ କରିଛି।ଚାନ୍ଦିଲି ଥାନା ପୋଲିସ ଅଧୀନରେ ଗତ ୩/୧୨/୨୪ରେ କୋଲନରା ବ୍ଲକ ଗଉଡ଼ ସାହିର ସାମ୍ୱାଦିକ ରାଜେନ୍ଦ୍ର ପ୍ରସାଦ ମିଶ୍ରଙ୍କ ଘରେ ଚୋରି ହୋଇଥିଲା। ଉକ୍ତ ଚୋରି ଘଟଣାରେ ସିସିଟିଭି ଫୁଟେଜକୁ ଆଧାର କରି ଚାନ୍ଦିଲି ଥାନା ପୋଲିସ ଅଭିଯୁକ୍ତକୁ ଧରିବାରେ ସକ୍ଷମ ହେବା ସହିତ, ଚୋରି ହୋଇଥିବା ୬ଟି ସୁନା ମୁଦି,୩ଟି ସୁନା ଚେନ,୩ଟି ସୁନା ଲକେଟ,୪ ହଳ ସୁନା କାନଫୁଲ, ରୁପା ପାଉଁଜି ୬ହଳ,ଗୋଟିଏ ରୁପା ଚାବି ପେନ୍ଥା, ରୁପା ମୁଦି ଦୁଇହଲ, ଏବଂ ନଗଦ ୫୩୦୦ ଟଙ୍କା ଜବଦ କରିଛି ପୋଲିସ, ଏବଂ ସେହିପରି ରାୟଗଡା ଟାଉନ ଥାନା ପୋଲିସରେ ଗତ ୨୫-୧୧-୨୪ ରେ ବାଇକ ଚୋରି ଘଟଣାରେ ବାହ୍ୟ ରାଜ୍ୟର ଜଣେ ଡକାୟତ ସହିତ ଦୁଇଜଣ ସ୍ଥାନୀୟ ବାଇକ ଲୁଟେରାଙ୍କୁ ଗିରଫ କରିବା ସହିତ ତିନୋଟି ବାଇକ କୁ ମଧ୍ୟ ଜବଦ କରିଛି ରାୟଗଡା ଟାଉନ ଥାନା ପୋଲିସ,ଯାହା ଏକ ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି ରାୟଗଡା ଏସଡିପିଓ , ରଶ୍ମିରଞ୍ଜନ ସେନାପତି।