ହାତୀ ଉପଦ୍ରଵ ଘର ଭାଙ୍ଗିବା ସହ ଫସଲ କ୍ଷୟକ୍ଷତି

କୁଚିଣ୍ଡା, (ଲିପନ ନାଏକ):ବାମରା ବନ୍ୟପ୍ରାଣୀ ଜମନକିରା ରେ ରେଞ୍ଜ ଅଞ୍ଚଳରେ ଏବେ ହାତୀ ଉପଦ୍ରପ ଲଗତାର ଲାଗି ରହିଥିବା ବେଳେ ଲୋକଙ୍କ ମନରେ ଭୟର ବାତାବରଣ ଖେଳିଯାଇଥିବା ଦେଖିବାକୁ ମିଳୁଛି lଜମନକିରା ବ୍ଲକ ର ଗୁଣ୍ଡୁରୁଚୁଆ ଅଂଚଳରେ ଗତ କିଛିଦିନ ତଳେ ହାତୀ ଦୁଇ ଜଣକ ଘର ଭାଙ୍ଗି ଧାନ ଖାଇଯାଇଥିବା ବେଳେ ଗତ ରାତି ଫୁଲକୁସମ ଚାଇନୁ ପଡା ଓ କଟଙ୍ଗପାଣି ଟିକପଡା ଗ୍ରାମର ସୁସାଣି ମୁଣ୍ଡା, ପୌଲାସ ମୁଣ୍ଡା, ସୁକାନ୍ତି ପ୍ରଧାନ, ବାୟା ବୀର, ଘନୁ ଙ୍କ ଘର ଭାଙ୍ଗି ଧାନ ଖାଇଯାଇଥିବା ଅଭିଯୋଗ ହୋଇଛି l ଏହି ଖବର ବନବିଭାଗ ଜାଣିବାପରେ ତୁରନ୍ତ କ୍ଷତିଗ୍ରସ୍ତ ପରିବାରଙ୍କୁ ଭେଟି କ୍ଷୟକ୍ଷତି ଅକାଳନ କରିଥିବା ଜଣାପଡିଛି l ସେହିପରି ବଡ଼ମାଳ ପଂଚାୟତ ଲଦ୍ରୋପାଳ ର ମଜନୁ ମୁଣ୍ଡା ଘର ଓ ରାଉତପଡା ର ରାମଚନ୍ଦ୍ର ସିଂ ଙ୍କ ବାଡ଼ି କୁ ପଶି ଅଧ ଏକରରୁ ଅଧିକ ପନିପରିବା ଫସଲ ନଷ୍ଟ କରିଚାଲିଯାଇଥିବା ଅଭିଯୋଗ ହୋଇଛି l ତୁରନ୍ତ ବିଭାଗ ପକ୍ଷରୁ କ୍ଷତିପୂରଣ ପାଇଁ ଦାବୀ ହେଉଛି l