ଛତ୍ରପୁର ବ୍ଲକ ସ୍ତରୀୟ ବାଲ -ବୈଜ୍ଞାନୀକ ପ୍ରଦର୍ଶନୀ ଏବଂ ବିଜ୍ଞାନ ମେଳା -୨୦୨୫
ଛତ୍ରପୁର, (ଓ୍ବାଇଏନଏସ): ଛତ୍ରପୁର ସରକାରୀ ବାଳିକା ଉଚ୍ଚ ବିଦ୍ୟାଳୟ ପରିସର ରେ ମଙ୍ଗଳ ବାର ବ୍ଲକ ସ୍ତରୀୟ ବାଲ -ବୈଜ୍ଞାନୀକ ପ୍ରଦର୍ଶନୀ ଏବଂ ବିଜ୍ଞାନ ମେଳା -୨୦୨୫ ଅନୁଷ୍ଠିତ ହୋଇଯାଇଛି । ଛତ୍ରପୁର ଗୋଷ୍ଠି ଶିକ୍ଷା ଅଧିକାରୀ ସୁଜିତ କୁମାର ପାଢ଼ୀ ଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ ମୁଖ୍ୟ ଅତିଥି ଯୋଗଦେଇ ମେଳା କୁ ଶୁଭ ଉଦଘାଟନ କରିବା ସହିତ ପ୍ରଦର୍ଶନୀ ଗୁଡିକ ବୁଲି ଦେଖିଥିଲେ, ଛାତ୍ର-ଛାତ୍ରୀମାନଙ୍କ ବିଜ୍ଞାନ ପ୍ରତି ଉତ୍ସାହକୁ ଦେଖି ଅତ୍ୟନ୍ତ ଆନନ୍ଦିତ ହେଇ ତାଙ୍କ ଉଜ୍ଜ୍ୱଳ ଭବିଷ୍ୟତ ନିମନ୍ତେ ପ୍ରେରଣା ଜଣାଇ ଥିଲେ। ସମ୍ମାନିତ ଅତିଥି ଭାବେ ଛତ୍ରପୁର ଏନଏସି ଅଧ୍ୟକ୍ଷା ଶର୍ମିଷ୍ଠା ପ୍ରଧାନ, ଏବିଇଓ ସଂଯୁକ୍ତା ରଥ, ଛତ୍ରପୁର ବାଳିକା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷୟତ୍ରୀ ମଧୁସ୍ମିତା ୟାଦବ, ନୋଡାଲ ଅଫିସର ତଥା ଟାଙ୍ଗଣାପଲ୍ଲୀ ଏସ ଏନ ବିଦ୍ୟାପୀଠ ର ପ୍ରଧାନ ଶିକ୍ଷକ ବିଷ୍ଣୁ ପ୍ରସାଦ ତ୍ରିପାଠୀ, ଵିପୁଳିଙ୍ଗି ହାଇସ୍କୁଲ ପ୍ରଧାନ ଶିକ୍ଷକ ପ୍ରଭାକର ପଣ୍ଡା, କେ. ଚନ୍ଦ୍ର ଶେଖର ରେଡ୍ଡୀ ପ୍ରମୁଖ ଯୋଗଦେଇ କାର୍ଯ୍ୟକ୍ରମ ର ଆଭିମୁଖ୍ୟ ଉପରେ ଆଲୋକପାତ କରିଥିଲେ । ଏଥିରେ ୪୪ ଟି ଉଚ୍ଚ ପ୍ରାଥମିକ ବିଦ୍ୟାଳୟ ଏବଂ ୨୪ ଟି ଉଚ୍ଚ ବିଦ୍ୟାଳୟ ରୁ ଛାତ୍ରଛାତ୍ରୀ ଆଣିଥିବା ୧୪୬ ଟି ପ୍ରକଳ୍ପ ସ୍ଥାନ ପାଇଥିଲା । ବିଚାରକ ଭାବେ ବ୍ରହ୍ମପୁର ସିଟି କଲେଜ ର ଅବସର ପ୍ରାପ୍ତ ପ୍ରିନସିପାଲ ଦିଲ୍ଲୀପ କୁମାର ପାତ୍ର, ଡୁରା କଲେଜ ର ଅଧ୍ୟାପିକା ଡ଼ଃ ଉଷା ରାଣୀ ବ୍ରହ୍ମା ଓ ଅବସର ପ୍ରାପ୍ତ ପ୍ରଧାନ ଶିକ୍ଷକ କିରଣ କୁମାର ମିଶ୍ର ଦାୟିତ୍ୱ ତୁଲାଇଥିଲେ, ଏଥିରେ ଭଲ ପ୍ରଦର୍ଶନ କରିଥିବା ୧୦ ଟି ପ୍ରକଳ୍ପ କୁ ଜିଲ୍ଲା ସ୍ତରୀୟ କାର୍ଯ୍ୟକ୍ରମ ନିମନ୍ତେ ଚୟନ କରାଯାଇଛି, ବିଜ୍ଞାନ ଶିକ୍ଷକ ରଶ୍ମି ରଞ୍ଜନ ସାହୁ କାର୍ଯ୍ୟକ୍ରମ କୁ ସଂଯୋଜନା କରିଥିବା ବେଳେ ସମସ୍ତ ସିଆରସିସି ମାନେ ପରିଚାଳନା ରେ ସହଯୋଗ କରିଥିଲେ


