ସରକାରୀ ଉପମୁଖ୍ୟ ସଚେତକ ତଥା ବିଧାୟକ ରେମୁଣାଙ୍କ ବିଭିନ୍ନ ପ୍ରକଳ୍ପର ଶୁଭ ଶିଳାନ୍ୟାସ

ବାଲେଶ୍ବର(ସରୋଜ ପଣ୍ଡା): ସରକାରୀ ଉପମୁଖ୍ୟ ସଚେତକ ତଥା ବିଧାୟକ ରେମୁଣା ଗୋବିନ୍ଦ ଚନ୍ଦ୍ର ଦାସ ଙ୍କ କରକମଳରେ ଇଞ୍ଚୁଡି ପଞ୍ଚାୟତର ବିଭିନ୍ନ ଲୋକାଭିମୁଖୀ ପ୍ରକଳ୍ପର ଶୁଭ ଶିଳାନ୍ୟାସ କରାଯାଇଥିଲା। ବିକଶିତ ଗାଁ ବିକଶିତ ଓଡିଶା ଯୋଜନା ଅନ୍ତର୍ଗତ ଅଟକଳ ମୂଲ୍ୟ ପାଞ୍ଚ ଲକ୍ଷ ଟଙ୍କାର ମା ଦୁର୍ଗା କମ୍ୟୁନିଟି ଗୃହ ନିର୍ମାଣ ଏବଂ ଶାଳପାଢ଼ୀ ଠାରେ ଅଟକଳ ମୂଲ୍ୟ ତିନି ଲକ୍ଷ ଟଙ୍କାର ଭାଗବତ ଟୁଙ୍ଗୀ ନିର୍ମାଣ, ପ୍ରଧାନମନ୍ତ୍ରୀ ଆଦର୍ଶ ଗ୍ରାମ ଯୋଜନା ଅନ୍ତର୍ଗତ ଅଟକଳ ମୂଲ୍ୟ ଏକ ଲକ୍ଷ ପଚାଶ ହଜାର ଟଙ୍କାର ଘୁଣ୍ଟିଆ ବେହେରା ଘର ପାଖରେ ପକ୍କା କଲଭଟ୍ଟ ନିର୍ମାଣ, ବିଧାୟକ ଆଞ୍ଚଳିକ ଉନ୍ନୟନ ପାଣ୍ଠିରୁ ପ୍ରଦତ୍ତ ଅଟକଳ ମୂଲ୍ୟ ଦୁଇ ଲକ୍ଷ ଟଙ୍କାର ଦୁର୍ଗା କମ୍ୟୁନିଟି ସେଣ୍ଟର ପୂର୍ଣ୍ଣାଙ୍ଗୀକରଣ ଆଦି ପ୍ରକଳ୍ପର ଶୁଭ ଶିଳାନ୍ୟାସ କରାଯାଇଥିଲା। ଏହି ପ୍ରକଳ୍ପ କାର୍ଯ୍ୟକାରୀ ହେଲେ ଗ୍ରାମବାସୀଙ୍କ ବହୁ ଦିନର ଆଶା ପୁରଣ ହେବ। ଏହି ଅବସରରେ ବରିଷ୍ଠ ବ୍ୟକ୍ତି କାର୍ତ୍ତିକ ଚନ୍ଦ୍ର ଦାସ, ସରପଞ୍ଚ ରମଣୀ ରଂଜନ ମହାଳିକ, ଶଶିକାନ୍ତ ଦାସ, ସରବିନ୍ଦୁ ଶେଖର ଦାସ, ରାମଚନ୍ଦ୍ର ବେହେରା, ଲକ୍ଷ୍ମୀଧର ମଲ୍ଲିକ, ସୁଶାନ୍ତ କୁମାର ଦାସ, ଅକ୍ଷୟ କୁମାର ବାରିକ, ଅଶୋକ କୁମାର ବାରିକ, ପ୍ରଶାନ୍ତ କୁମାର ଦାସ, ମହେଶ୍ୱର ଜେନା ଙ୍କ ସମେତ ବହୁ ଗ୍ରାମବାସୀ ଉପସ୍ଥିତ ଥିଲେ।