ଗିରିଗାଁ ଗ୍ରାମକୁ ନୂତନ ପଞ୍ଚାୟତ ମାନ୍ୟତା ପ୍ରଦାନ ନେଇ ବିଡ଼ିଓଙ୍କୁ ଦାବିପତ୍ର

ହାଟଡିହି (ଓ୍ବାଇଏନଏସ): କେନ୍ଦୁଝର ଜିଲ୍ଲା ହାଟଡିହି ବ୍ଲକ ଗିରିଗାଁ ଗ୍ରାମକୁ ନୂତନ ପଞ୍ଚାୟତର ମାନ୍ୟତା ଦେବାକୁ ଗ୍ରାମବାସୀ ମାନେ ବିଡ଼ିଓଙ୍କୁ ଦାବିପତ୍ର ପ୍ରଦାନ କରିଛନ୍ତି l ପୂର୍ବରୁ ଜିଲ୍ଲାପାଳ, ଉପଜିଲ୍ଲାପାଳ, ମୁଖ୍ୟମନ୍ତ୍ରୀ ଓ ପଞ୍ଚାୟତ ରାଜ ମନ୍ତ୍ରୀଙ୍କୁ ମଧ୍ୟ ଦାବିପତ୍ର ପ୍ରଦାନ କରିଛନ୍ତି। ଗ୍ରାମବାସୀଙ୍କ ସୂଚନା ଅନୁଯାଇ ଉକ୍ତ ଗିରିଗାଁ ଗ୍ରାମଟି ସମଣା ଗ୍ରାମପଞ୍ଚାୟତ ଅଧୀନରେ ଅଛି l ସମଣା ପଞ୍ଚାୟତଟି  ୧୩ଟି ରାଜସ୍ବ ଗ୍ରାମକୁ ନେଇ ଗଠନ ହୋଇଥିବା ବେଳେ  ଜନସଂଖ୍ୟା ଦୃଷ୍ଟିରୁ ଏହି ପଞ୍ଚାୟତଟି ଏକ ଜନବହୁଳ ପଞ୍ଚାୟତ। ପରିଗାଁ ଗ୍ରାମର ଲୋକସଂଖ୍ୟା ୨ ହଜାରରୁ ଉର୍ଦ୍ଧ ହୋଇଥିବା ବେଳେ ପଞ୍ଚାୟତ କାର୍ଯ୍ୟାଳୟ ଠାରୁ ଏହାର ଦୂରତା ୫କିଲୋମିଟର ରୁ ଉର୍ଦ୍ଧ। ବିଶେଷ କରି ଏହା ଏକ ବନ୍ୟା ପ୍ଲାବିତ ପଞ୍ଚାୟତ ହୋଇ ଥିବାରୁ ବନ୍ୟା ସମୟରେ ପଞ୍ଚାୟତ ସହିତ ଯୋଗାଯୋଗ ବିଛିନ୍ନ ହୋଇଥାଏ। ପଞ୍ଚାୟତ କାର୍ଯ୍ୟାଳୟ ଦୂରରେ ରହୁ ଥିବାରୁ ବୁଦ୍ଧବୃଦ୍ଧା ମାନେ ଭତ୍ତା କି ରେସନ ପାଇଁ  ଏତେ ଦୁରକୁ ଯିବାରେ ନାନା ସମସ୍ୟା ଭୋଗ କରୁଛନ୍ତି। ଫଳରେ ଗିରିଗାଁ ଗ୍ରାମଟି ଅବହେଳିତ ଅବସ୍ଥାରେ ରହୁଛି।  ତେଣୁ ଗିରିଗାଁ, ତେଲସିଙ୍ଗା, ବରାଙ୍ଗ,  ତେମଳା, ଦୁଡୁଗାଁ, ଭାଗିରଥିପୁର, ବାହାରିପୁର ଆଦି ଗ୍ରାମକୁ ନେଇ ଗିରିଗାଁ ପଞ୍ଚାୟତ ଗଠନ ହେଲେ ଏହି ସବୁ ଗ୍ରାମର ଲୋକମାନେ ଉପକୃତ ହୋଇ ପାରିବେ ବୋଲି ଉପରୋକ୍ତ ଗ୍ରାମର ରାମ ସାହା, ଜଗତ ଜୀବନ ପାଢ଼ୀ, ସୁଦର୍ଶନ ଖଟୁଆ, ରମେଶ ଜେନା, କହ୍ନେଇ ଜେନା, ବିଦ୍ୟାଧର ପାଢ଼ୀ, ଅନାମ ବାରିକ, ସାଧୁ ଜେନା, ଗୋପାଳ ବାରିକ, ରାଜ କିଶୋର ବାରିକ, ରାଜକିଶୋର ଜେନା, ସହଦେଵ ପଣ୍ଡା, ଶ୍ୟାମ ସୁନ୍ଦର ପାଢ଼ୀ,  ମୁରଲୀଧର ଜେନା, ପଦ୍ମନାଭ ସ୍ୱାଇଁ, କହ୍ନେଇ ଦାସ, ଉମାକାନ୍ତ ପୁହାଣ, ଗଙ୍ଗାଧର ଦଳେଇ, ଚିତ୍ତ ଜେନା, ହଳଧର ଜେନା, ଲଷ୍ମୀଧର ଜେନା, ତରୁଣ ଶଙ୍କର ତ୍ରିପାଠୀ, ଅନନ୍ତ ନାରାୟଣ ପାଢ଼ୀ, ଅଦୈତ ଜେନା, ଅଲେଖ ଜେନା, ରମାକାନ୍ତ ଜେନାଙ୍କ ସମେତ ୫୦ ରୁ ଉର୍ଦ୍ଧ୍ଵ ଗ୍ରାମବାସୀ  ମାନେ ଦାବି କରିଛନ୍ତି। ସେମାନେ ଆଜି ବିଡ଼ିଓଙ୍କୁ ଭେଟି ଦାବିପତ୍ର ପ୍ରଦାନ କରିଛନ୍ତି।