ସର୍ଦ୍ଦାର ବଲ୍ଲଭ ଭାଇ ପଟେଲ ଙ୍କ ୧୫୦ ତମ ଜନ୍ମ ପୂର୍ତ୍ତି ଅବସରରେ ଏକତା ପଦଯାତ୍ରା

ବାଲେଶ୍ବର(ସରୋଜ ପଣ୍ଡା): ଲୌହ ମାନବ ସର୍ଦ୍ଦାର ବଲ୍ଲଭ ଭାଇ ପଟେଲ ଙ୍କ ୧୫୦ ତମ ଜନ୍ମ ପୂର୍ତ୍ତି ଅବସରରେ ଏକତା ପଦଯାତ୍ରା ସମସ୍ତ ସଂସଦୀୟ କ୍ଷେତ୍ର ର ତିନୋଟି ଜାଗାରେ ଅନୁଷ୍ଠିତ ହେଉଛି। ଏହି ଅବସରରେ ବାଲେଶ୍ୱର ସଂସଦୀୟ କ୍ଷେତ୍ର ର ପ୍ରଥମ ଚରଣ ରେ  ନୀଳଗିରି ଠାରେ ଆୟୋଜିତ ହୋଇଥିଲା ଯାହା ମାନ୍ୟବର ମୁଖ୍ୟମନ୍ତ୍ରୀଙ୍କ କର କମଳ ରେ ଉଦ୍ଘାଟିତ ହୋଇଥିଲା ଯାହା ଓଡ଼ିଶା ର ପ୍ରଥମ ଏକତା ପଦଯାତ୍ରା ଥିଲା। ଏହାର ଦ୍ଵିତୀୟ ଚରଣରେ ଭୋଗରାଇ ଠାରେ ଅନୁଷ୍ଠିତ ହୋଇଥିଲା। ତୃତୀୟ ଏବଂ ଅନ୍ତିମ ଚରଣରେ ବାଲେଶ୍ଵର ସଦର ଏବଂ ରେମୁଣା ରେ ଅନୁଷ୍ଠିତ ହୋଇଯାଇଛି। ଭୀମପୁର। ସ୍ଥିତ ସ୍ପୋର୍ଟସ ହଷ୍ଟେଲ ପଡିଆ ଠାରେ ଫ୍ଲାଗ ଅଫ୍ ବା ଉଦ୍ଘାଟନୀ ସମାରୋହ ଆୟୋଜିତ ହୋଇଥିଲା। ମଞ୍ଚରେ ମୁଖ୍ୟ ଅତିଥି ମାନ୍ୟବର ସାଂସଦ ପ୍ରତାପ ଷଡ଼ଙ୍ଗୀ ଙ୍କ ସମେତ ମାନ୍ୟବର ବିଧାୟକ ରେମୁଣା ତଥା ସରକାରୀ ଦଳର ଉପ ମୁଖ୍ୟ ସଚେତକ ଶ୍ରୀ ଗୋବିନ୍ଦ ଚନ୍ଦ୍ର ଦାସ , ମାନ୍ୟବର ବିଧାୟକ ସଦର ଶ୍ରୀ ମାନସ କୁମାର ଦତ୍ତ ,ଜିଲ୍ଲାପାଳ ଶ୍ରୀ ସୂର୍ଯ୍ୟବଂଶୀ ମୟୂର ବିକାଶ, ଉପ ଜିଲ୍ଲାପାଳ ( ଉଭୟ ସଦର ଏବଂ ନୀଳଗିରି, ଦୁଇ ଅତିରିକ୍ତ ଜିଲ୍ଲାପାଳ,ସିଭିଲ ସୋସାଇଟି  ପ୍ରତିନିଧି ଈଶ୍ୱର ବେହେରା ଉପସ୍ଥିତ ଥିଲେ।  ଜିଲ୍ଲାପାଳ ମହୋଦୟ ପ୍ରାରମ୍ଭିକ ଅଭିଭାଷଣ ରଖି  ସର୍ଦ୍ଦାର ପଟେଲ କିପରି କାଶ୍ମୀର ରୁ କନ୍ୟାକୁମାରୀ ଯାଏଁ କିପରି ଭାରତ ର ଏକତା ର ମୁଖ୍ୟ ଭୂମିକା ଗ୍ରହଣ କରିଥିଲେ  ସେ ସମ୍ପର୍କରେ ସମ୍ୟକ ବକ୍ତବ୍ୟ ରଖିଥିଲେ। ମାନ୍ୟବର ବିଧାୟକ ସଦର ପ୍ରଥମେ ପ୍ରତି କୋଣରୁ ଆସି ଯୋଗଦାନ ଦେଇଥିବା  ଶତାଧିକ ଛାତ୍ରଛାତ୍ରୀ ଏବଂ ସାଧାରଣ ଲୋକ ମାନଙ୍କୁ ଧନ୍ୟବାଦ୍ ଦେଇ ଅଭିଭାଷଣ ଆରମ୍ଭ କରିଥିଲେ।୫୬୨ ଟି ଗଡ଼ଜାତ ରାଜ୍ୟର ମିଶ୍ରଣ ର କଥା ସହିତ ବଲ୍ଲଭ  ଭାଇ ଙ୍କ ଏକତା ର ମନ୍ତ୍ର ଆଜିର ଦୁନିଆ ରେ ଆଗ ଅପେକ୍ଷା ଆହୁରି ଅଧିକ ମାନେ ରଖୁଛି ବୋଲି ବାର୍ତ୍ତା ରଖିଲେ। ମାନ୍ୟବର ଉପ ମୁଖ୍ୟ ସଚେତକ ଶ୍ରୀ ଦାସ ସମସ୍ତଙ୍କୁ ଏକତା ର ବ୍ରତରେ ଆଗେଇ ଯିବାକୁ ଉଦବୋଧନ ଦେଲେ ଏବଂ ଆନନ୍ଦ ଏବଂ ଉତ୍ସାହ ର ସହିତ ଏହି ପଦଯାତ୍ରା କୁ ସଫଳ କରିବାକୁ ବାର୍ତ୍ତା ଦେଲେ। ମୁଖ୍ୟ ଅତିଥି ମାନ୍ୟବର ସାଂସଦ “ଭାରତ ମାତା କି ଜୟ ” ର ନାରା ସହ ବକ୍ତବ୍ୟ ଆରମ୍ଭ କରି ଏହି ଅବସର ସହୀଦ ବିର୍ସା ମୁଣ୍ଡା ଙ୍କ ର ,ଅର୍ଯ୍ୟ ସମାଜ ର ମଧ୍ୟ ୧୫୦ ତମ ବର୍ଷ ପୂର୍ତ୍ତି ର ଅବସର ବୋଲି କହିଥିଲେ। ଜୟନ୍ତ ଘୋଷ ଏବଂ ହରେକୃଷ୍ଣ ମହତାବ ଙ୍କର   ସର୍ଦାର ଙ୍କୁ ନୀଳଗିରି ର ଭାରତ ବର୍ଷ ସହ  ମିଶ୍ରଣ ରେ କରିଥିବା ଅବଦାନ ସମ୍ପର୍କରେ ଉକ୍ତି ରଖି ଥିଲେ। ପ୍ରଚଣ୍ଡ ଜାତୀୟତାର ଭାବକୁ ଜାଗ୍ରତ କରି ଏକତା ର ମନ୍ତ୍ର ରେ ଉଦ୍ଭସିତ ହେବାକୁ ଆହ୍ବାନ ଦେଇଥିଲେ। ପୂର୍ବ ଅଖଣ୍ଡ ଭାରତ ର ସ୍ଵପ୍ନ କୁ ଦର୍ଶାଇ ଅରବିନ୍ଦ ଙ୍କ ବାର୍ତ୍ତା ମଧ୍ୟ ଦେଇଥିଲେ। ଏହା ପରେ ଶ୍ରୀ ଷଡ଼ଙ୍ଗୀ ଏକତା ର ଶପଥ ପାଠ କରାଇ ପଦଯାତ୍ରାର ଫ୍ଲାଗ ଅଫ୍ କରିଥିଲେ।      ସହସ୍ରାଧିକ ଛାତ୍ର ଛାତ୍ରୀ , ମହିଳା, ଜନ ସାଧାରଣ ,ସିଭିଲ ସୋଷାଇଟି ସଦସ୍ୟ, ସ୍ୱେଚ୍ଚା ସେବୀ ଆଦି ଏହି ପଦଯାତ୍ରା ରେ ଯୋଗଦାନ ଦେଇଥିଲେ। ଯାତ୍ରା ସହଦେବ ଖୁଣ୍ଟା ସ୍ଥିତ ଦୂର୍ଗା ମଣ୍ଡପ ରେ ଥିବା ସାଂସ୍କୃତିକ କିଓସ୍କ ଦେଇ ଫକିର ମୋହନ ଗୋଲେଇ ରେ ତୃତୀୟ ଷ୍ଟେଜ ଯାହା ଏକ କଲ୍ଚରାଲ କିଓସ୍କ ମଧ୍ୟ ଥିଲା ଏବଂ ଅଧିକ ସ୍ୱଚ୍ଛ ସେବୀ ଓ ଛାତ୍ର ଛାତ୍ରୀ ଙ୍କ ଯୋଗଦାନ ସହ ଫାଣ୍ଡି ଛକ ଦେଇ ବାଲେଶ୍ଵର ଜିଲ୍ଲା ସ୍କୁଲ ଷ୍ଟାଡିୟମ୍ ଠାରେ ପହଞ୍ଚିଥିଲା। ସେଠାରେ ଏକ ବିଶାଳ ଷ୍ଟେଜ ର ଆୟୋଜନ ହୋଇଥିଲା। ସାଂସ୍କୃତିକ କାର୍ଯ୍ୟକ୍ରମ ସହ ମଞ୍ଚାସିନ ଅତିଥିଙ୍କ ଅଭିଭାଷଣ ଏବଂ ତା ପରେ ଭୋଜନ ପରେ ଏହି କାର୍ଯ୍ୟକ୍ରମ ଉଦଯାପିତ ହେଲା। ରାସ୍ତା ରେ ଅନେକ ସ୍ଥାନ ରେ ପାନୀୟ ଜଳ ର ବ୍ୟବସ୍ଥା ମାନ ରହିଥିଲା। ଅନେକ ସିଭିଲ ସୋସାଇଟି ସ୍ଵେଚ୍ଛାକୃତ ଭାବରେ ଥଣ୍ଡା ପାନୀୟ ସହ ଜଳଖିଆ ର ଷ୍ଟଲ ମାନ ରଖିଥିଲେ। ଅନେକ ସଂସ୍ଥା ଝୋଟି ଆଙ୍କି ଥିଲା ବେଳେ ମାଗଣା ଫିଯିଓଥେରପି ଶିବିର ଏବଂ ଚକ୍ଷୁ ପରୀକ୍ଷଣ ଶିବିର ମଧ୍ୟ ଆୟୋଜିତ ହୋଇଥିଲା। ବାଲେଶ୍ଵର ସଂସଦୀୟ କ୍ଷେତ୍ର ର ଏହା ଅନ୍ତିମ ଚରଣ ଥିଲା ବେଳେ ଜିଲ୍ଲା ର ଅନ୍ତିମ ପଦ ଯାତ୍ରା ସିମୁଳିଆ ଠାରେ ୨୬ ନଭେମ୍ବର ରେ ଆୟୋଜିତ ହେବ।