ସୋରଡା ଏନଏସିରେ କାଉନସିଲ ବୈଠକ

ସୋରୋଡା,(ରଜନିକାନ୍ତ ମହାପାତ୍ର):ସୋରଡା ବିଜ୍ଞାପିତ ଅଞ୍ଚଳ ପରିଷଦର ୧୬ ତମ ସାଧାରଣ ଅଧିବେଶନ ଆଜି ପରିଷଦର ସମ୍ମିଳନୀ କକ୍ଷରେ ଆୟୋଜିତ ହୋଇଛି। ଏଥିରେ ମୁଖ୍ୟ ଅତିଥି ଭାବେ ସୋରଡ଼ା ବିଧାୟକ ନୀଳମଣି ବିଷୋୟୀ ଯୋଗ ଦେଇଥିବା ବେଳେ କାର୍ଯ୍ୟନିର୍ବାହୀ ଅଧିକାରୀ ଉମେଶ ଚନ୍ଦ୍ର ସାହୁ, ପରିଷଦ ଅଧ୍ୟକ୍ଷ ଶିବ ଶଙ୍କର ପଣ୍ଡା, ଉପାଧ୍ୟକ୍ଷା ଭଗ୍ୟଲତା ଡାକୁଆ,କାଉନସିଲର ସତ୍ୟ ନାରାୟଣ ସୁବୁଦ୍ଧି କାଜଲ ପ୍ରଧାନ,ଲିପିକା ନାୟକ,ସସ୍ମିତା ପାଢୀ ସମେତ ଅନ୍ୟାନ୍ୟ କାଉନସିଲର, ସୋରଡା ସାଂସଦ ପ୍ରତିନିଧି ସିମାଞ୍ଚଳ ଅଧିକାରୀ,ଭି ଜଗଦୀଶ ରାଜୁ ପ୍ରମୁଖ ଉପସ୍ଥିତ ଥିଲେ। ବୈଠକ ରେ ସହର କୁ ଉତ୍ତମ ପାନୀୟ ଜଳ ଯୋଗାଣ,ନିରବିଛିନ୍ନ ବିଦ୍ୟୁତ୍ ସରବରାହ,ରାସ୍ତା ଘାଟ ନିର୍ମାଣ,ନାଳ ନର୍ଦ୍ଦମା ନିର୍ମାଣ, ସହ ଟାଉନ ହଲ, ଚାଇଲ୍ଡ ପ୍ଲେ ଯୋନ, ଫିଟନେସ ହବ୍ ନିର୍ମାଣ ଆଦି ବିଷୟ ଉପରେ ଆଲୋଚନା ହୋଇଥିଲା। ପରିଷଦ ର ୮ ୱାର୍ଡ ସଦସ୍ୟ ନିମ୍ନ ମାନର ଛତୁଆ ଯୋଗାଣ ଉପରେ ତଦନ୍ତ ଓ ଖାଦ୍ୟ ର ମାନ ପରୀକ୍ଷା ପାଇଁ ଦାବି କରିବା ସହ, ସୋରଡା ଗୋଷ୍ଠି ସ୍ବାସ୍ଥ୍ୟ କେନ୍ଦ୍ର ରେ ଚିକିତ୍ସା ରେ ଅନିୟମିତତା ଉପରେ ଆଲୋକ ପାତ କରିବା ସହ ଯରାଉ ଛକ ରେ ନୂତନ ହାଇମେକ୍ସ ଲାଇଟ୍ ସ୍ଥାପନ ଉପରେ ଦାବି କରିଥିଲେ। ଏହା ସହ ଫୁଡ୍ କୋର୍ଟ, ଏ ଏଚ୍ଚ ପି ପ୍ରକଳ୍ପ ର ତ୍ଵରାନିତ କରିବା ସହ ସହର ର ପରିମଳ ବ୍ୟବସ୍ଥା ଉପରେ ଗୁରୁତ୍ୱାରୋପ କରିବା ସହ କଥା ଶୀଘ୍ର ମିନି ଷ୍ଟାଡିୟମ୍ ର ପୁନରୁଦ୍ଧାର ଉପରେ ଗୁରୁତ୍ଵ ଦେବାକୁ ଦାବି କରିବା ସହ ୨୦ ରୁ ଅଧିକ ନୂତନ ପ୍ରକଳ୍ପ ନିର୍ମାଣ ଉପରେ ପଦକ୍ଷେପ ନେବାକୁ ୮ ୱାର୍ଡ ସଦସ୍ୟ ବିଧାୟକ ଙ୍କ ଦୃଷ୍ଟି ଆକର୍ଷଣ କରିଥିଲେ। କାଉନସିଲର ଙ୍କ ସମସ୍ତ ପ୍ରସ୍ତାବ ଉପରେ ଦୃଷ୍ଟି ଦିଆଯାଇ ବିଜ୍ଞାପିତ ଅଞ୍ଚଳ ପରିଷଦ ର ଉନ୍ନତି ପାଇଁ ଚେଷ୍ଟା କରାଯିବ ବୋଲି ପ୍ରତିଶ୍ରୁତି ଦେଇଥିଲେ ଅଧ୍ୟକ୍ଷ ଶିବ ଶଙ୍କର ପଣ୍ଡା, କାର୍ଯ୍ୟନିର୍ବାହୀ ଅଧିକାରୀ ଧନ୍ୟବାଦ ଦେବା ସହ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରିଥିଲେ। ସୋରଡାରେ ସମସ୍ତ ଅଞ୍ଚଳରେ ସି ସି ଟିଭି ଲଗାଇବା ପାଇଁ ଗୁରୁତ୍ୱାରୋପ କରାଯାଇଥିଲା.