ବାଇକ୍ ଚୋରକୁ ୬ ମାସ ଜେଲଦଣ୍ଡ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା ): ଗଜପତି ଜିଲ୍ଲା ଏସଡିଜେଏମ କୋୖର୍ଟର ରାୟ ଅନୁଯାୟୀ ଜଣେ ବାଇକ ଚୋରକୁ 6 ମାସ ଜେଲ ଦଣ୍ଡ ପ୍ରଦାନ କରାଯାଇଥିବା ଜଣାପଡିଛି. ଏଠାରେ ସୂଚନାଯୋଗ୍ୟଯେ, ଚଳିତ ବର୍ଷ ଜୁଲାଇ ମାସରେ ପାରଳାଖେମୁଣ୍ଡି ସହରର ବାକିଟିସାହିରେ ଏକ ବାଇକ ଚୋରି ହୋଇଥିଲା | ଚୋରି ମାମଲାର ଶୁଣାଣି କରି ଗଜପତି ଜିଲ୍ଲା ଏସଡ଼ିଜେଏମ୍ ବିଷ୍ଣୁପ୍ରିୟା ସାମନ୍ତରାୟ ମୁଖ୍ୟ ଅଭିଯୁକ୍ତ ଆର. ଉଦୟଗିରି ଥାନା ଅନ୍ତର୍ଗତ ବେତାର ସିଂ ନିବାସୀ ଗୌରୀ ଶଙ୍କର ନାୟକଙ୍କୁ ୬ ମାସ ସଶ୍ରମ କାରାଦଣ୍ଡର ଆଦେଶ ଦେଇଛନ୍ତି। ଜୁଲାଇ ୨୮ ତାରିଖ ଦିନ ରାତି ୧୦ଟା ବେଳେ ପାରଳାଖେମୁଣ୍ଡି ଥାନା ଅନ୍ତର୍ଗତ ବାକିଟି ସାହିର ଏନ. ରବି ଘର ବାହାରେ ବାଇକ ରଖି ଶୋଇ ପଡିଥିଲେ। ରାତି ୨ଟାରେ ଉଠି ବାହାରକୁ ଆସି ଦେଖୁବା ବେଳକୁ ତାଙ୍କ ବାଇକକୁ କେହି ଦୁର୍ବୃତ୍ତ ଚୋରି କରି ନେଇଯାଇଥିବା ଦେଖିଥିଲେ. ତାଙ୍କୁ ସାହି ଲୋକଙ୍କ ସହଯୋଗରେ କାବୁ କରି ପୋଲିସରେ ଜିମା ଦେଇଥିଲେ. ଏନେଇ ପାରଳା ଥାନାରେ ମକଦ୍ୱମା ରୁଜୁ କରାଯାଇ ଅଭିଯୁକ୍ତଙ୍କୁ କୋୖର୍ଟଚାଲାଣ କରାଯାଇଥିଲା. ଏହି ମାମଲାର ରାୟ ଅନୁଯାୟୀ ଅଭିଯୁକ୍ତଙ୍କୁ 6 ମାସ ଜେଲଦଣ୍ଡ ପ୍ରଦାନ କରାଯାଇଛି।