ପାଣିପାଇପ୍ ଫାଟି ରାସ୍ତାସାରା ଜଳମଗ୍ନ: ଯାତାୟତରେ ସମସ୍ୟା

ହାଟଡିହି,: ହାଟଡ଼ିହି ବ୍ଲକ୍ ସମଣା ପଞ୍ଚାୟତ ଗୋବିନ୍ଦପୁର ଗ୍ରାମର ୧୫ନଂ ୱାର୍ଡ଼କୁ ଲମ୍ବିଥିବା ରାସ୍ତାଟି ଜଳମଗ୍ନ ଦେଖାଯାଇଛି l ଉକ୍ତ ୱାର୍ଡ଼ ବାସିନ୍ଦାଙ୍କ କହିବାନୁସାରେ, ରାସ୍ତାକଡ଼ରେ ପୋତା ଯାଇଥିବା ପାଣି ପାଇପ୍ ଫାଟିଯିବାରୁ ଆଜକୁ ୧୫ଦିନ ହେଵ ଅନବରତ ପାଣି ବୋହି ରାସ୍ତାସାରା ଜଳମୟ ହୋଇପଡ଼ିଛି l ପଞ୍ଚାୟତ ଠାରୁ ବ୍ଲକ୍ ଯାଏଁ ଅଭିଯୋଗ କରିଥିଲେ ମଧ୍ୟ ଏଥିପ୍ରତି କାହାରି ଦୃଷ୍ଟି ପଡୁନାହିଁ l ପିଲା ଠୁଁ ବୃଦ୍ଧବୃଦ୍ଧା ଯାଏଁ ସମସ୍ତେ ପାଣି କାଦୁଅରେ ପଶି ନାନା ଅସୁବିଧାରେ ଯା’ଆସ କରୁଛନ୍ତି l ସାଧାରଣତଃ ଗାଁରୁ ବାହାରି ଅଙ୍ଗନବାଡି ଛୁଆ ଏବଂ ସ୍କୁଲ, କଲେଜ ମାନଙ୍କୁ ଯାଉଥିବା ପିଲାମାନେ ନାହିଁ ନଥିବା ଅସୁବିଧା ଭୋଗୁଛନ୍ତି l ଏଥିପ୍ରତି ଦୃଷ୍ଟି ଦେଇ ଯଥାଶୀଘ୍ର ଏହାର ସମାଧାନ କରିବାକୁ ୧୫ନଂ ୱାର୍ଡ଼ମେମ୍ବର ଦିପ୍ତିମୟୀ ଡୋରାଙ୍କ ସମେତ ଚଞ୍ଚଳା ସ୍ୱାଇଁ, ପ୍ରଫୁଲ୍ଲ କୁମାର ଡୋରା, ବଳରାମ ଦାସ, ରମାକାନ୍ତ ଦାସ, ନଟବର ଦାସ, ଜଗବନ୍ଧୁ ଦାସ, ମାୟାଧର ସ୍ୱାଇଁ, ସତ୍ୟାନନ୍ଦ ଡୋରା, ମଣିଚରଣ ସେନାପତି, ସୁବାଷ ଘୋଷ, ରତ୍ନମଣି ଡୋରା, ଲୋକନାଥ ଡୋରା, ପ୍ରଫୁଲ୍ଲ ଦାସ, ଆକାଶ ଦାସ, ସୁବାଷ ଚନ୍ଦ୍ର ଡୋରା, ରଘୁନାଥ ଡୋରା ପ୍ରମୁଖ ଦାବି କରିଛନ୍ତି l