ପାରଳାଖେମୁଣ୍ଡି,(ତାରିଣୀ ପ୍ରସାଦ ପଣ୍ଡା): ପାରଳାଖେମୁଣ୍ଡି ଠାରେ ଶ୍ରୀଜଗନ୍ନାଥଙ୍କ ନୂତନ ମନ୍ଦିରର ନିର୍ମାଣ କାର୍ଯ୍ୟ ଆଗେଇ ଚାଲିଛି. ଏହି ନିର୍ମାଣ କାର୍ଯ୍ୟରେ ଅନେକ ଭକ୍ତ ନିଜ ନିଜକୁ ବିଭିନ୍ନ ଭାବେ ସାମିଲ ହୋଇ ସହଯୋଗର ହାତ ବଢ଼ାଇ ଚାଲିଛନ୍ତି. ପାରଳାଖେମୁଣ୍ଡି ସହରର ଭି. ଭେଙ୍କଟରାମଣା ଓ ତାଙ୍କ ପତ୍ନୀ ଭି. ଗୀତାଙ୍କ ସମେତ ତାଙ୍କ ପରିବାରବର୍ଗ ବର୍ତ୍ତମାନର ଶ୍ରୀଜଗନ୍ନାଥ ମନ୍ଦିରରେ ପହଞ୍ଚି ଠାକୁରଙ୍କୁ ପୂଜାର୍ଚ୍ଚନା କରିବା ସହ 50 ହଜାର ଟଙ୍କାର ଚେକ ପ୍ରଦାନ କରିଛନ୍ତି. ସେହିପରି ପାରଳା ସହରର କୁନା ପଟ୍ଟନାୟକ ନିଜ ପତ୍ନୀଙ୍କ ସହ ଜଗନ୍ନାଥ ମନ୍ଦିରରେ ପହଞ୍ଚି ଶ୍ରୀଜଗନ୍ନାଥଙ୍କ ନୂତନ ମନ୍ଦିର ନିର୍ମାଣ ପାଇଁ 2 ଲକ୍ଷ ଟଙ୍କାର ଚେକ ପ୍ରଦାନ କରି ମନ୍ଦିର ନିର୍ମାଣରେ ଉଭୟ ପରିବାର ସାମିଲ ହୋଇ ସହଭାଗୀ ହୋଇପାରିଛନ୍ତି. ପାରଳା ଜଗନ୍ନାଥ ମନ୍ଦିର ନିର୍ମାଣ କମିଟିର ସଭ୍ୟ ତଥା ଶ୍ରୀଜଗନ୍ନାଥଙ୍କ ଭକ୍ତ ଦୁର୍ଗା ମାଧବ ପାଣିଗ୍ରାହୀଙ୍କ ସମେତ ମନ୍ଦିର ନିର୍ମାଣ କମିଟିର ସମସ୍ତ ସଦସ୍ୟ ମନ୍ଦିର ନିର୍ମାଣରେ ସାମିଲ ହୋଇ ସହାଭାଗୀ ହୋଇଥିବା ଏହି 2 ପରିବାରଙ୍କୁ ସାଧୁବାଦ ଜଣାଇଛନ୍ତି.