ସେଞ୍ଚୁରିଅନ୍ ବିଶ୍ବବିଦ୍ୟାଳୟରେ ଦୁଇଦିନିଆ ଜାତୀୟ ସମ୍ମିଳନୀ ଉଦ୍ଘାଟିତ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା): ସେଞ୍ଚୁରିଅନ୍ ବିଶ୍ବବିଦ୍ୟାଳୟ, ପାରଳାଖେମୁଣ୍ଡି ପରିସରରେ “ବିକଶିତ ଭାରତ–୨୦୪୭ ଲକ୍ଷ୍ୟରେ ଜଳ ଜଳବାୟୁ-ଅନୁକୂଳ କୃଷି ଉଦ୍ଭାବନ” ଶୀର୍ଷକ ୯ମ ଜାତୀୟ ସମ୍ମିଳନୀ ଉଦ୍ଘାଟନ ହୋଇଛି। ଏହି ସମ୍ମିଳନୀରେ ମୋଟ 20 ଗୋଟି ବିଶ୍ୱବିଦ୍ୟାଳୟରୁ 300 ରୁ ଉର୍ଦ୍ଧ ଗଵଷେକ ଯୋଗ ଦେଇଛନ୍ତି. ଅଲ୍ ଇଣ୍ଡିଆ ଆଗ୍ରିକଲଚରାଳ ନଲଚରାଲ୍ ଷ୍ଟୁଡେଣ୍ଟସ୍ ଆସୋସିଏସନ୍, ସେଞ୍ଚୁରିଅନ୍ ବିଶ୍ବବିଦ୍ୟାଳୟ, ଓଡ଼ିଶା ଏବଂ କେଲାଡି ଶିବସ୍ଥା ନାୟକ କୃଷି ଓ ଉଦ୍ୟାନ କୃଷି ବିଜ୍ଞାନ ବିଶ୍ବବିଦ୍ୟାଳୟ, କର୍ଣ୍ଣାଟକର ମିଳିତ ଆନୁକୂଲ୍ୟରେ ଆୟୋଜିତ ଏହି ସମ୍ମିଳନୀରେ ଦେଶର ୨୦ରୁ ଅଧିକ ବିଶ୍ବବିଦ୍ୟାଳୟରୁ ୩୦୦ରୁ ଅଧିକ ଛାତ୍ରଛାତ୍ରୀ, ଗବେଷକ, ଶିକ୍ଷାବିତ୍ ଓ ନୀତି ନିର୍ଦ୍ଧାରକ ଅଂଶଗ୍ରହଣ କରିଥିଲେ। ଉଦ୍ଘାଟନୀ ଅଧିବେଶନରେ ସେଞ୍ଚୁରିଅନ୍ ବିଶ୍ବବିଦ୍ୟାଳୟର ଡ଼. ଏସ୍. ପି. ନନ୍ଦ, ଡିନ୍ (ପ୍ରଶାସନ) ସ୍ବାଗତ ଭାଷଣ ପ୍ରଦାନ କରିଥିଲେ । ପ୍ରଫେସର ସାଗର ମୈତ୍ର, ଡିନ୍ (କୃଷି), ସମ୍ମିଳନୀର ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରି ଜଳବାୟୁ ପରିବର୍ତ୍ତନକୁ ମୁକାବିଲା କରିବାରେ ଜଳବାୟୁ-ଅନୁକୂଳ କୃଷି ପ୍ରଯୁକ୍ତିର ଗୁରୁତ୍ବ ଉପରେ ଆଲୋକପାତ କରିଥିଲେ I ପରେ ଡ଼. ଦୁର୍ଗା ପ୍ରସାଦ ପାଢ଼ୀ, ନିର୍ଦ୍ଦେଶକ (ପ୍ରଶାସନ), ବିଶ୍ବବିଦ୍ୟାଳୟର ସ୍ଥାୟୀ କୃଷି ଗବେଷଣା ଓ ଉଦ୍ଭାବନ କ୍ଷେତ୍ରରେ ଅବଦାନ ସମ୍ପର୍କରେ ମତବ୍ୟକ୍ତ କରିଥିଲେ I ସଭାରେ ସଭାପତିତ୍ବ କରି ପ୍ରଫେସର (ଡ଼.) ସୁପ୍ରିୟା ପଟ୍ଟନାୟକ, ମାନ୍ୟବର କୁଳପତି, ସେଞ୍ଚୁରିଅନ୍ ବିଶ୍ବବିଦ୍ୟାଳୟ, ଯୁବ ଗବେଷକମାନଙ୍କୁ ନବସୃଜନ ଓ ସ୍ଥାୟୀ କୃଷି ପ୍ରଯୁକ୍ତି ବିକାଶ ଦିଗରେ କାର୍ଯ୍ୟ କରିବାକୁ ଆହ୍ୱାନ କରିଥିଲେ. ଏହି ଅବସରରେ ଜାତୀୟ ସଭାପତି ଶ୍ରୀ ନିନାଦ ମହାଜନ ସଂଗଠନର ଲକ୍ଷ୍ୟ ଓ ଭବିଷ୍ୟତ ଦୃଷ୍ଟିକୋଣ ସମ୍ପର୍କରେ ମତ ରଖିଥିବା ବେଳେ, ପ୍ରଫେସର (ଡ଼.) ସହଦେବ ସିଂହ, ମୁଖ୍ୟ ନୀତି ପରାମର୍ଶଦାତା, କୃଷି କ୍ଷେତ୍ରରେ ନୀତି, ବିଜ୍ଞାନ ଓ ଉଦ୍ଭାବନର ସମନ୍ୱୟର ଆବଶ୍ୟକତା ଉପରେ ଆଲୋକପାତ କରିଥିଲେ। ସମ୍ମାନିତ ଅତିଥ୍ ପ୍ରଫେସର ହୃଷୀକେଶ ସେନାପତି, କୁଳପତି, ବିକ୍ରମ ଦେବ ବିଶ୍ବବିଦ୍ୟାଳୟ, ଜୟପୁର, ଉଚ୍ଚଶିକ୍ଷା ଅନୁଷ୍ଠାନ ଗୁଡ଼ିକର କୃଷି ଉନ୍ନୟନରେ ଭୂମିକା ସମ୍ପର୍କରେ ଉଦ୍ବୋଧନ ଦେଇଥିଲେ। ମୁଖ୍ୟ ଅତିଥ୍ ଡ଼. ଯଶପାଲ ସିଂହ ମଲିକ, ଉପ-ମହାନିର୍ଦ୍ଦେଶକ (କୃଷି ଶିକ୍ଷା), ଭାରତୀୟ କୃଷି ଅନୁସନ୍ଧାନ ପରିଷଦ, ନୂଆଦିଲ୍ଲୀ, ସମ୍ମିଳନୀର ଉଦ୍ଘାଟନ କରି ଜଳବାୟୁ-ଅନୁକୂଳ କୃଷି ପ୍ରଯୁକ୍ତି, ନବସୃଜନ, ଉଦ୍ୟମିତା ଏବଂ ଉଚ୍ଚମାନର କୃଷି ଶିକ୍ଷା ମାଧ୍ଯମରେ ଦେଶର ଖାଦ୍ୟ ସୁରକ୍ଷା ସୁନିଶ୍ଚିତ କରି ‘ବିକଶିତ ଭାରତ–୨୦୪୭’ ସ୍ବପ୍ନ ସାକାର କରିବାର ଆହ୍ୱାନ ଦେଇଥିଲେ। ଶେଷରେ ଡ଼. ଆଶୀର୍ବଚନ ମହାପାତ୍ର, ୯ମ ଜାତୀୟ ଯୁବ ସମ୍ମିଳନୀର ଜାତୀୟ ଆୟୋଜନ ସମ୍ପାଦକ, ଧନ୍ୟବାଦ ଅର୍ପଣ କରି ସମସ୍ତ ଅତିଥ୍, ପ୍ରତିନିଧ୍, ଆୟୋଜକ ଏବଂ ସହଯୋଗୀମାନଙ୍କ ପ୍ରତି କୃତଜ୍ଞତା ଜ୍ଞାପନ କରିଥିଲେ I
