ଜନଜାତି ଗୌରବ ଦିବସ ପାଳିତ

ନୂଆପଡା,(ୱାଇଏନଏସ):ବୋଡ଼େନ ବ୍ଲକ ଅନ୍ତର୍ଗତ ଅନୁସୂଚୀତ ଜାତି ଓ ଜନଜାତି ଉନ୍ନୟନ ବିଭାଗ ଦ୍ବାରା ପରିଚାଳିତ ମହୁଲପଡା ସେବାଶ୍ରମ ବିଦ୍ୟାଳୟରେ ପ୍ରଧାନ ଶିକ୍ଷକ କମଲ ସିଂ ମାଝୀଙ୍କ ସଭାପତିତ୍ବରେ ଅଭିଭାବକ ଶିକ୍ଷକ ସହଭାଗିତା କାର୍ଯ୍ୟକ୍ରମ ଓ ଜନଜାତି ଗୌରବ ଦିବସ ପାଳିତ ହୋଇଅଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ପୂର୍ବତନ ଗୋଷ୍ଠୀ ଶିକ୍ଷା ଅଧିକାରୀ ଜଗଦୀଶ ପ୍ରସାଦ ଖମାରୀ, ମୂଖ୍ୟ ବକ୍ତା ସି ଆର ସି ସି ମଧୁସୂଦନ ମାଝୀ ,  ବିଶିଷ୍ଟ ଅତିଥି ପ୍ରସନ୍ନ ମାଝୀ ପୂର୍ବତନ ଆଦିବାସୀ ସଂଘ ସଭାପତି, ସମ୍ମାନିତ ଅତିଥି ଅନୀଳ କୁମାର ସା ପ୍ରଧାନ ଶିକ୍ଷକ ମହୁଲପଡା ଉଚ୍ଚ ବିଦ୍ୟାଳୟ,ଅବସର ପ୍ରାପ୍ତ ବିଜ୍ଞାନ ଶିକ୍ଷକ ଲିଙ୍ଗରାଜ ସା, ବିଦ୍ୟାଳୟ ପରିଚାଳନା କମିଟି ଉପସଭାପତି ଅହଲ୍ୟା ବାଗ , ସାମ୍ବାଦିକ ନୀଳମଣି ପଣ୍ଡା, ଲମ୍ବୋଦର ବାଗ ମଞ୍ଚାସୀନ ହୋଇଥିଲେ । ଦେବ ପୂଜନ ଓ ଭଗବାନ ବିର୍ସା ମୁଣ୍ଡାଙ୍କ ଫଟୋ ଚିତ୍ରରେ ମାଲ୍ୟାର୍ପଣ ହେବାପରେ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ବାରା ସ୍ବାଗତ ସଂଗୀତ ଗାନ କରାଯାଇଥିଲା । ଶିକ୍ଷୟତ୍ରୀ ଜୋସ୍ଳାମୟୀ ଜଗତ ବିଦ୍ୟାଳୟ ବିବରଣୀ ପଠନ କରିଥିବା ବେଳେ  ଆଦିବାସୀ ବିଭାଗରେ ଚାଲୁଥିବା ବିଭିନ୍ନ କାର୍ଯ୍ୟକ୍ରମ ଏବଂ ଛାତ୍ରଛାତ୍ରୀମାନଙ୍କ ସର୍ବାଙ୍ଗୀନ ବିକାଶ ଲକ୍ଷ୍ୟ ନେଇ ବିଭିନ୍ନ ଯୋଜନା ସଂପର୍କରେ ନିମନ୍ତ୍ରିତ ଅତିଥି, ଶିକ୍ଷକ ଏବଂ ଅଭିଭାବକ ନିଜର ମତାମତ ପ୍ରଦାନ କରିଥିଲେ । ବିଦ୍ୟାଳୟର ଛାତ୍ରଛାତ୍ରୀମାନଙ୍କ ମଧ୍ୟରେ ଅନେକ ପ୍ରତିଯୋଗୀତା ଅନୁଷ୍ଠିତ ହେବା ସହ ପୁରସ୍କାର ମଧ୍ୟ ପ୍ରଦାନ କରାଯାଇଥିଲେ । ଏହି କାର୍ଯ୍ୟକ୍ରମକୁ ଶିକ୍ଷକ ଡ଼ିସମ୍ବର ମେହେର ପରିଚାଳନା କରୁଥିବା ବେଳେ  ଶିକ୍ଷୟତ୍ରୀ ମୋନାଲିସା ପତୀ ଧନ୍ୟବାଦ ଅର୍ପଣ କରିଥିଲେ ଏବଂ  ଶିଶୁ ସେବିକା ଦୀପାଞ୍ଜଳୀ ଭୋଇ ,ଶିକ୍ଷକ ତ୍ରିନାଥ ମେହେର, ସହଯୋଗ ପ୍ରଦାନ‌ କରିଥିଲେ ।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ