ପୋଖରୀ ରେ ବୁଡ଼ି ବୃଦ୍ଧଙ୍କ ମୃତ୍ୟୁ

ଦିଗପହଣ୍ଡି,(ଅଳକ ନାଥ ମିଶ୍ର) : ଦିଗପହଣ୍ଡି ବ୍ଳକ କଇଠଖଣ୍ଡି ପଞ୍ଚାୟତ  ପେଣ୍ଡୁରାବାଡି ଗ୍ରାମ ର ଶ୍ରୀ ରଘୁନାଥ ମନ୍ଦିର ନିକଟସ୍ଥ ଏକ ପୋଖରୀରେ ବୁଡି ଜଣେ  ବୃଦ୍ଧଙ୍କ ମୃତ୍ୟୁ ଘଟିଥିବା ଜଣାପଡିଛି । ମୃତକ  ଜଣକ ହେଲେ ସୁନାମ ସାହୁ(୭୪) । ବୃଦ୍ଧ ଜଣକ ଅପରାହ୍ନ ପ୍ରାୟ ସାଢେ ୪ ଟାରେ ଗ୍ରାମର  ପୋଖରୀକୁ ଗାଧୋଇବାକୁ ଯାଇଥିଲେ ।  ଅସାବଧାନତା କାରଣରୁ ସେ ପୋଖରୀରେ ବୁଡି ଯାଇଥିଲେ । ସ୍ଥାନୀୟ ଲୋକେ ପୋଖରୀ ତୁଠରେ ତାଙ୍କର ଚପଲ ଦେଖି ତାଙ୍କ ପରିବାର ଲୋକଙ୍କୁ  ଖବର ଦେଇଥିଲେ । ଖବର ପ୍ରଚାରିତ ପରେ ଦିଗପହଣ୍ଡି ଅଗ୍ନିଶମ ବାହିନୀକୁ ଖବର ଦିଆଯାଇଥିଲା ।  ଅଗ୍ନିଶମ  କର୍ମଚାରୀ ବୃନ୍ଦ ଘଟଣାସ୍ଥଳ ରେ ପହଞ୍ଚି ବହୁ ଖୋଜାଖୋଜି ପରେ ସନ୍ଧ୍ଯା ପ୍ରାୟ ୭ ଟାରେ ବୃଦ୍ଧ ଙ୍କୁ ଅଚେତ ଅବସ୍ଥାରେ ଠାବ କରାଯିବା ପରେ ସ୍ଥାନୀୟ ସରପଞ୍ଚ ମନୋରଞ୍ଜନ ଗୈାଡ ଙ୍କ ସହଯୋଗ କ୍ରମେ  ଦିଗପହଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ଅଣାଯାଇଥିଲା । ସେଠାରେ ଉପସ୍ଥିତ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଦିଗପହଣ୍ଡି ପୋଲିସ ଟିମ୍ ସ୍ୱାସ୍ଥ୍ୟକେନ୍ଦ୍ର ରେ ପହଞ୍ଚି ମୃତଦେହ ଜବତ କରି  ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ପଠାଇଥିବା  ଜଣାପଡିଛି ।