ଓଡିଶାର କାଶ୍ମୀରକୁ ଫେରିଲା ଶୀତ

ଦାରିଙ୍ଗିବାଡି- ଗତ କିଛି ଦିନ ହେଲା ତାପମାତ୍ରା ହଠାତ ପରିବର୍ତ୍ତନ ହେବା ଫଳରେ ପଶ୍ଚିମ ଓଡିଶାରେ ଆଶା ଠାରୁ କମ ଶୀତର ପ୍ରକୋପ ଜଣାପଡୁଥିବା ବେଳେ ଉପକୁଳ ଓଡିଶାରେ ତାପମାତ୍ରାରେ କୌଣସି ପରିବର୍ତ୍ତନ ଦେଖାଯାଉନାହିଁ । ରାତିରେ ପାରଦ ଟିକେ କମୁଥିବାବେଳେ ଡିସେମ୍ବର ମାସରେ ଯେଉଁଭଳି ଭାବରେ ଶୀତ ହେବା କଥା ତାହା ଅନୁଭୂତ ହେଉନାହିଁ । ଅନ୍ୟପଟେ ଓଡିଶାର କାଶ୍ମୀର କୁହାଯାଉଥିବା ଦାରିଙ୍ଗବାଡିରେ ଶୀତ ଫେରିଛି । ଏହା ଚଳିତ ବର୍ଷର ପ୍ରଥମ ଶୀତ ହୋଇଥିବାବେଳେ ହଠାତ ତାପମାତ୍ରା ୧୨ଡିଗ୍ରୀରୁ ଖସି ୯ ଡିଗ୍ରୀରେ ପହଞ୍ଚିଛି । ପାଗ ଟିକିଏ ମେଘୁଆ ଥିବାରୁ ଶୀତ ପଡିବାରେ ବିଳମ୍ବ ହେଉଛି ବୋଲି ଜଣାପଡିଛି । ଶୀତ ଫେରିବା ପରେ ଦାରିଙ୍ଗବାଡିରେ ପର୍ଯ୍ୟଟକ ମାନେ ଏହାର ମଜା ଉଠାଇବା ପାଇଁ ପହଞ୍ଚିଛନ୍ତି ।