ଆମେରିକାରେ କରୋନା ଜନିତ ମୃତ୍ୟୁ ସଂଖ୍ୟା ୫୦ହଜାର ଟପିଲା
ନୂଆଦିଲ୍ଲୀ : ସାରା ବିଶ୍ବରେ କରୋନା ପ୍ରଭାବ ବିସ୍ତାର କରିଥିବାବେଳେ ଆମେରିକାରେ କରୋନା ସ୍ଥିତି ଜଟିଳ ରହିଛି। ଆମେରିକାରେ କରୋନା ଭାଇରସ୍ ଜନିତ ମୃତ୍ୟୁ ସଂଖ୍ୟା ୫୦ ହଜାର ପାର୍ କରିଛି । ସେହିପରି ସଂକ୍ରମିତଙ୍କ ସଂଖ୍ୟା ୮୮୬,୭୦୯ରେ ପହଞ୍ଚିଛି। ବିଶ୍ବରେ କରୋନା ସଂକ୍ରମିତଙ୍କ ସଂଖ୍ୟା ୨୭ ଲକ୍ଷ ପାର କରିସାରିଥିବାବେଳେ ମୃତ୍ୟୁସଂଖ୍ୟା ୧,୯୧,୦୬୧ରେ ପହଞ୍ଚିଛି । ଆମେରିକାରେ ବ୍ୟତୀତ ସ୍ପେନ୍, ଫ୍ରାନ୍ସ, ଇଟାଲୀ, ଜର୍ମାନୀ, ବ୍ରିଟେନ୍ ଆଦି ରାଷ୍ଟ୍ରରେ ମଧ୍ୟ କରୋନା ସ୍ଥିତି ବେଶ୍ ଉଦ୍ବେଗଜନକ ରହିଛି। ସ୍ପେନ୍ରେ ସଂକ୍ରମିତଙ୍କ ସଂଖ୍ୟା ୨୧୩,୦୨୪ ରହିଥିବାବେଳେ ମୃତ୍ୟୁ ସଂଖ୍ୟା ୨୨,୧୫୭ରେ ପହଞ୍ଚିଛି । ସେହିପରି ସ୍ପେନ୍ରେ ମୃତକଙ୍କ ସଂଖ୍ୟା ୮୯,୨୫୦ରେ ପହଞ୍ଚିଥିବାବେଳେ ସଂକ୍ରମିତଙ୍କ ସଂଖ୍ୟା ୧,୦୧,୬୧୭ରେ ପହଞ୍ଚିଛି । ଇଟାଲୀରେ ମଧ୍ୟ କରୋନା ସ୍ଥିତି ଗମ୍ଭୀର ରହିଛି । ଏଠାରେ ୧ ଲକ୍ଷ ୮୯ ହଜାର ୯୭୩ ଲୋକ ସଂକ୍ରମିତ ହୋଇଥିବାବେଳେ ମୃତକଙ୍କ ସଂଖ୍ୟା ୨୫ ହଜାର ଡେଇଁଛି । ସେହିପରି ଫ୍ରାନ୍ସରେ ସଂକ୍ରମିତଙ୍କ ସଂଖ୍ୟା ୧୫୮,୧୮୩ରେ ପହଞ୍ଚିଥିବାବେଳେ ସେହିପରି ମୃତ୍ୟୁ ସଂଖ୍ୟା ୨୧ ହଜାର ୮୫୬ରେ ପହଞ୍ଚିଛି ।
