କରୋନାରେ ଡିଏମକେ ବିଧାୟକ ମୃତ
ଚେନ୍ନାଇ : ଦେଶରେ ଦିନକୁ ଦିନ କରୋନା ସଂକ୍ରମଣ ସହ କରୋନା ରୋଗୀଙ୍କ ମୃତ୍ୟୁ ସଂଖ୍ୟା ବଢିବାରେ ଲାଗିଛି । ତେବେ କରୋନାରେ ଗଡିଛି ପ୍ରଥମ ରାଜନେତାଙ୍କ ମୁଣ୍ଡ । ନିଜ ୬୨ତମ ଜନ୍ମଦିନରେ ତାମିଲନାଡୁର ଡିଏମକେ ବିଧାୟକ ଜେ ଆନବାଝାଗନ୍ କରୋନା ସଂକ୍ରମିତ ହୋଇ ଶେଷ ନିଶ୍ୱାସ ତ୍ୟାଗ କରିଛନ୍ତି । ଆଜି ତାଙ୍କ ମୃତ୍ୟୁ ନେଇ ଡିଏମକେ ଦଳ ପକ୍ଷରୁ ସୂଚନା ଦିଆଯାଇଛି । ତାଙ୍କୁ ଜୁନ୍ ୨ରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ଥିବାରୁ ତାଙ୍କୁ ଭେଣ୍ଟ କରାଯାଇଥିଲା । ତାଙ୍କର କିଡ୍ନୀ ଜନିତ ସମସ୍ୟା ମଧ୍ୟ ରହିଥିଲା । ସେ ପ୍ରଥମେ ୨୦୦୧ରେ ଟି. ନାଗର ବିଧାନସଭା ଏହାପରେ ଚେପକ ଓ ତିରୁଭଆଲିକେନି ବିଧାନ ସଭା ଆସନରୁ ବିଧାୟକ ଭାବେ ନିର୍ବାଚିତ ହୋଇଥିଲେ । ନିଜ ଜନ୍ମ ଦିନରେ ଆନବାଝାଗନ୍ଙ୍କ ମୃତ୍ୟୁ ହୋଇଥିବାରୁ ଦଳରେ ଶୋକର ଛାୟା ଖେଳିଯାଇଛି । ସୋସିଆଲ ମିଡିଆରେ ମଧ୍ୟ ତାଙ୍କ ସମର୍ଥକ, ଅନେକ ରାଜନେତା ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ।
