କୋଭିଡ୍-୧୯ ଯୁଦ୍ଧରେ ଭାରତର ସ୍ଥିତି ଖୁବ୍ ଭଲ: ପ୍ରଧାନମନ୍ତ୍ରୀ
ନୂଆଦିଲ୍ଲୀ: କୋଭିଡ୍-୧୯ ବିରୁଦ୍ଧରେ ଚାଲିଥିବା ଲଢେଇରେ ଅନ୍ୟ ଦେଶମାନଙ୍କ ତୁଳନାରେ ଭାରତର ସ୍ଥିତି ଖୁବ୍ ଭଲ। ବୈଶ୍ବିକ ମହାମାରୀ ବିପକ୍ଷରେ ବିଶ୍ବ ଟାଣୁଆ ସଂଗ୍ରାମ କରୁଛି। କୋଭିଡ୍-୧୯ କେବଳ ଶାରୀରିକ ଅସୁସ୍ଥତା ନୁହେଁ; ଜନସାଧାରଣଙ୍କ ଜୀବନ ପ୍ରତି ମଧ୍ୟ ବିପଦ, କିନ୍ତୁ ଏହା ମଧ୍ୟ ଆମ ଅସ୍ବସ୍ତିକର ଜୀବନଯାପନ ଶୈଳୀରୁ ଆମ ଧ୍ୟାନ ହଟାଇ ନେଉଛି ବୋଲି ଶନିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି। ରେଭ୍. ଡକ୍ଟର୍ ଜୋସେଫ୍ ଟୋମା ମେଟ୍ରୋପଲିଟାନ୍ଙ୍କ ୯୦ତମ ଜୟନ୍ତୀ ଅବସରରେ ଉଦ୍ଘାଟନୀ ଭାଷଣ ଦେବା ସମୟରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଏ ବର୍ଷ ପ୍ରାରମ୍ଭରେ କେତେକ ଲୋକ ଭବିଷ୍ୟବାଣୀ କରିଥିଲେ ଯେ, ଭାରତରେ ଭୂତାଣୁର ପ୍ରଭାବ ଖୁବ୍ ସାଙ୍ଘାତିକ ହେବ, ଲକ୍ଡାଉନ୍ ଯୋଗୁଁ ସରକାର ଏବଂ ଜନଚାଳିତ ସଂଗ୍ରାମ ଦ୍ବାରା କେତେଗୁଡ଼ିଏ ଉପକ୍ରମ ନିଆଯାଇପାରିଲା। ଭାରତରେ ସୁସ୍ଥତା ହାର ମଧ୍ୟ ବୃଦ୍ଧି ପାଉଛି। ରେଭ୍. ଡକ୍ଟର୍ ଜୋସେଫ ମାର୍ ଟୋମା ମେଟ୍ରୋପଲିଟାନ୍ଙ୍କ ଦୀର୍ଘ ଜୀବନ ଓ ସର୍ବୋତ୍ତମ ସ୍ବାସ୍ଥ୍ୟ କାମନା କରି ପ୍ରଧାନମନ୍ତ୍ରୀ ଭାଷଣ ଆରମ୍ଭ କରିବା ସହ ତାଙ୍କୁ ଜଣେ ଦାରିଦ୍ର୍ୟ ବିନାଶ ନିମିତ୍ତ ବ୍ୟାକୁଳ-ଚିତ୍ତ ଏବଂ ମହିଳା ସଶକ୍ତିକରଣ ପାଇଁ କାମ କରୁଥିବା ବ୍ୟକ୍ତି ବୋଲି ବର୍ଣ୍ଣନା କରିଥିଲେ।
