ବିଧାୟକଙ୍କ ଦ୍ୱାରା ବିଭିନ୍ନ ପ୍ରକଳ୍ପ ଉଦ୍ଘାଟିତ ଏବଂ ଶୀଳାନ୍ୟାସ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା) : ଗଜପତି ଜିଲ୍ଲା କାଶୀନଗର ବ୍ଲକ ଠାରେ ବିଭିନ୍ନ ଉନ୍ନୟନ ପ୍ରକଳ୍ପର ଉଦ୍ଘାଟନ ଏବଂ ଶୀଳାନ୍ୟାସ ପାରଳାଖେମୁଣ୍ଡି ବିଧାୟକ କେ.ନାରାୟଣଙ୍କ ଦ୍ୱାରା ହୋଇଯାଇଛି । କାଶୀନଗର ସ୍ଥିତ ଦେବଦଳା ଠାରେ ୩ଗୋଟି ଅଙ୍ଗନବାଡି କେନ୍ଦ୍ର, ଏକ ସାଂସ୍କୃତି କେନ୍ଦ୍ର, ପଞ୍ଚାୟତ ନିର୍ବାହୀ ଅଧିକାରୀଙ୍କ ସରକାରୀ ବାସଭବନ, ୩ଗୋଟି ପଞ୍ଚାୟତ ଗୋଦାମ ଗୃହ, ଗୋଷ୍ଠୀ ସେବା କେନ୍ଦ୍ର ଉଦ୍ଘାଟନ, ଲାଇବ୍ରେରୀ ହଲ, କେ.ସୀତାପୁର ସ୍ଥିତ ଏକ ବିଶ୍ରାମ ଗୃହ, ମିନିଗାଁ ସ୍ଥିତ ଏକ ଗ୍ରାମଦେବୀ ମନ୍ଦିରର ଶୀଳା ନ୍ୟାସ ଇତ୍ୟାଦି କାର୍ଯ୍ୟ ବିଧାୟକଙ୍କ ଦ୍ୱାରା ହୋଇଯାଇଛି । ସେହିପରି ଭାବେ କେ.ସୀତାପୁର ଗ୍ରାମ ଅନ୍ତର୍ଗତ ପର୍ଶୁରାମପୁର ଗ୍ରାମ ରାସ୍ତାପାଇଁ ପଞ୍ଚାୟତ ବିଭାଗରୁ ପରିବର୍ତ୍ତନ କରି ଗ୍ରାମ୍ୟ ଉନ୍ନୟନ ବିଭାଗକୁ ହସ୍ତାନ୍ତର କରି ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନାରେ ୫.୧ କି.ମି. ରାସ୍ତାକୁ ୨.୫୬ କୋଟି ଟଙ୍କା ବିଧାୟକ ଶ୍ରୀ ରାଓ ମଞ୍ଜୁରୀ କରିଥିବାରୁ ଅଞ୍ଚଳବାସୀ ତାଙ୍କୁ ଅଭିନନ୍ଦ ଜଣାଇବା ସହ ସମ୍ମାନ ଜଣାଇଛନ୍ତି । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ କାଶୀନଗର ବ୍ଲକ ଅଧ୍ୟକ୍ଷ ଚିତ୍ରି ସୀମାଦ୍ରୀ, ପାରଳାଖେମୁଣ୍ଡିର ପୂର୍ବତନ ନଗରପାଳ ନୃସିଂହ ଚରଣ ପଟ୍ଟନାୟକ ପ୍ରମୁଖଙ୍କ ସହ ବହୁ ଭାଜପା କର୍ମୀ ଓ ଅଞ୍ଚଳବାସୀ ଉପସ୍ଥିତଥିଲେ ।
