ବ୍ଲକ ସ୍ତରୀୟ ଶିଶୁ ମହୋତ୍ସବ ସୁରଭି

ଭଣ୍ଡାରିପୋଖରୀ, (ଦୁର୍ଯ୍ୟଧନ ଲେଙ୍କା):ଭଣ୍ଡାରିପୋଖରୀ ବ୍ଲକ ଶିକ୍ଷା ବିଭାଗ ପରିସରରେ ଆଜି ଶିଶୁ ମହୋତ୍ସବ ସୁରଭି ଅନୁଷ୍ଠିତ ହୋଇଯାଇଛି। ଏବିଇଓ ଅନୀଲ କୁମାର ବଳଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଡ଼ିଓ ଦେବଦତ୍ତ ଦାସ, ସମ୍ମାନିତ ଅତିଥି ଭାବେ ଅଧ୍ୟାପକ ଭରତ ଚନ୍ଦ୍ର କରଣ, ନିମନ୍ତ୍ରିତ ଅତିଥି ଭାବେ ସାହିତ୍ୟିକ ପୁରୁଷୋତ୍ତମ ଧଳ, ଏବିଓ ଉମେଶ ଚନ୍ଦ୍ର ଜେନା ପ୍ରମୁଖ ଯୋଗ ଦେଇଥିଲେ।କରୋନା କଟକଣା ପାଇଁ ସ୍ୱଳ୍ପ ଛାତ୍ରଛାତ୍ରୀ ଏଥିରେ ଯୋଗଦେଇଥିବା ବେଳେ ସେମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। କୃତୀ ପ୍ରତିଯୋଗୀ ମାନଙ୍କୁ ମୁଖ୍ୟ ଅତିଥି ପୁରସ୍କୃତ କରିଥିବା ବେଳେ ସିଆରସିସି କୈଳାସ ସାମଲ ଅତିଥି ପରିଚୟ ଓ ସିଆରସିସି ଝୁନାରାଣୀ ସ୍ୱାଇଁ ସମସ୍ତଙ୍କୁ ଧନ୍ୟବାଦ ଦେଇଥିଲେ। କାର୍ଯ୍ୟକ୍ରମକୁ ନିଖିଲ କୁମାର ଦେ, ସମ୍ବିତ ରାଉତ, ପ୍ରଳୟ ସେଠୀ, ସୁରେନ୍ଦ୍ର କୁମାର ସାହୁ, ବିରେନ୍ଦ୍ର କୁମାର ସ୍ୱାଇଁ, ଆଶୁତୋଷ ଦାସ, ଆଲୋକ ବିଶ୍ୱାଳ, ମନିତା ମଞ୍ଜରୀ ଧଳ, ମୋନାଲିସା ବିଶ୍ୱାଳ , ରାକେଶ ସାହୁ ପ୍ରମୁଖ ପରିଚାଳନା କରିଥିଲେ।