ସୁରକ୍ଷାକର୍ମୀ ଗୁଳିରେ ଯୁବକ ମୃତ୍ୟୁ

ଭୋପାଳ: ମଧ୍ୟପ୍ରଦେଶର ଭୋପାଳରେ ରାତ୍ରୀ ସମୟରେ ଶୋଇବା ବେଳେ ପଡୋଶୀ ଗଣ୍ଡଗୋଳ କରୁଥିବା ସମୟରେ କ୍ରୋଧିତ ହୋଇ ଜଣେ ସୁରକ୍ଷାକର୍ମୀ ଗୁଳିରେ ଜଣେ ପଡୋଶୀ ଯୁବକର ପ୍ରାଣ ହାନୀ ଘଟିବା ଘଟଣା ଅଂଚଳରେ ବେଶ ଚର୍ଚ୍ଚାର ବିଷୟ ପାଲଟିଛି । ଅଭିଯୁକ୍ତଙ୍କ ପରିଚୟ ଅକ୍କୁଶର୍ମା ବୋଲି ଜଣାପଡିଛି । ମିଳିଥିବା ଖବର ଅନୁଯାୟୀ ସୁରକ୍ଷାକର୍ମୀ ନିଜର କର୍ତ୍ତବ୍ୟ ସାରି ଶୋଇବାକୁ ଯାଉଥିବା ସମୟରେ ପଡୋଶୀ ଗଣ୍ଡଗୋଳ କରୁଥିବାରୁ ଶୋଇନପାରି ନିଜର ବନ୍ଧୁକରୁୁ ଗୁଳି ଚଳାଇଥିଲେ । ଫଳରେ ଘଟଣା ସ୍ଥଳରେ ଯୁବକ ଜଣକ ଗୁରୁତର ଆହାତ ହୋଇଥିଲେ । ଗୁରୁତର ଆହାତଙ୍କୁ ସ୍ଥାନୀୟ ଲୋକେ ନିକଟସ୍ଥ ମେଡିକାଲରେ ଭର୍ତ୍ତିକରିଥିଲେ । କିନ୍ତୁ ମେଡିକାଲରେ ତାଙ୍କର ମୃତ୍ୟୁ ଘଟିଥିଲା ।