ରାଜଧାନୀ କୋଚିଂ ଡ଼ିପୋରେ ବିଶ୍ୱକର୍ମା ପୂଜା
ଭୁବନେଶ୍ୱର, (ଯୁଗାବ୍ଦ ନ୍ୟୁଜ) : ରାଜଧାନୀ କୋଚିଂ ଡ଼ିପୋ, ଟ୍ରେନ୍ ଲାଇଟିଙ୍ଗ ବିଭାଗ, ପୂର୍ବତଟ ରେଳପଥ ଭୁବନେଶ୍ୱରରେ ବିଶ୍ୱକର୍ମା ପୂଜା ମହାଆଡ଼ମ୍ବରରେ ପାଳିତ ହୋଇଯାଇଛି । ଦିନ ୧୧.୩୦ ମିନିଟରେ ପୁଷ୍ପାଞ୍ଜଳି ପ୍ରଦାନ ପୂର୍ବକ ସମସ୍ତ କର୍ମଚାରୀ ଭକ୍ତି ଅର୍ଘ୍ୟ ଅର୍ପଣ କରିବା ବେଳେ ଶ୍ରୀ ବଳରାମ ବିଶ୍ୱାଳ ପୂଜାକୁ ସଂକଳ୍ପ କରିଥିଲେ । ସମସ୍ତ ରେଳ କର୍ମଚାରୀ ପ୍ରସାଦ ସେବନ କରିବା ସହିତ ପୂଜାକୁ ସଫଳ କରିବାରେ ସହଯୋଗ କରିଥିଲେ । ଶେଷରେ ଏକ ପଂକ୍ତି ଭୋଜନର ଆୟୋଜନ ହୋଇଥିଲା । ଅନ୍ୟମାନଙ୍କ ମଧ୍ୟରେ ସର୍ବଶ୍ରୀ ଏଲ୍ଡ଼ି ଖୁଣ୍ଟିଆ, ସ୍ୱରୂପ ହାଁସଦା, କେଟି ରାଜାରାଓ, ନୃସିଂହ ତରାଇ, ସୁକୁମାର ସର୍ଦ୍ଦାର, ଗଜେନ୍ଦ୍ର ବରାଳ, କେସି ଗୌଡ଼, ହରେକୃଷ୍ଣ ସାହୁ, ହାଡ଼ିବନ୍ଧୁ ବେହେରା, ପ୍ରଶାନ୍ତ ଦାସ, ବିଜୟ କୁମାର ନାୟକ, ଅନାମ ଚରଣ ସ୍ୱାଇଁ, ଅନୁପ ସାହୁ ଓ ଡ଼ିପୋର ଅନ୍ୟ ସମସ୍ତ କର୍ମଚାରୀ ସହଯୋଗ କରିଥିଲେ ।
