୨୨ତମ କ୍ରିକେଟ କପ ଅନୁଷ୍ଠିତ

ଭଣ୍ଡାରିପୋଖରୀ, ( ଦୁର୍ଯ୍ୟଧନ ଲେଙ୍କା) : ଫ୍ରେଣ୍ଡସ୍ କ୍ରିକେଟ୍ ଆସୋସିଏସନ୍ ପକ୍ଷରୁ ଏକଦିବସୀୟ ୨୨ତମ ଦିଵାଲି କ୍ରିକେଟ କପ୍ ବେଙ୍ଗାଲୁରୁ ହେବାଷଲ ସ୍ଥିତ ଭେଟେନାରି କଲେଜ ଗ୍ରାଉଣ୍ଡରେ ଅନୁଷ୍ଠିତ ହୋଇଛି । ଏହି ଟୁର୍ଣ୍ଣମେଣ୍ଟରେ ମୋଟ୍ ୧୬ ଦଳ ଭାଗ ନେଇ ଥିଲେ । ସକାଳ ୯ ଘଟିକାରେ ଉଦଘାଟନୀ ମ୍ୟାଚ ଅନୁଷ୍ଟିତ ହୋଇଥିଲା । ଏହି ଉତ୍ସବରେ ଅତିଥି ଭାବେ ବେଙ୍ଗାଲୁରୁ ରୋଟାରୀ ଇ କ୍ଲବ୍ ପୂର୍ବତନ ସଭାପତି ଅର୍ଚ୍ଚନା ମାରୋଲି, ସାହାନା ବାସୁଦେବନ ଏବଂ ଲିନା ଇଞ୍ଜିନିୟରିଂ ର ନିର୍ଦେଶକ ସୁଧୀର ସାହୁ ଯୋଗ ଦେଇ ପ୍ରତିଯୋଗିତାକୁ ଉଦଘାଟନ କରିଥିଲେ । ପରେ ଲିଗ୍ ଓ ସେମିଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା । ଫାଇନାଲ ମ୍ୟାଚ୍ ଏନ୍ ସି ସି ଓ ଓମ୍ ଶାନ୍ତି ମଧ୍ୟରେ ହୋଇଥିଲା । ତେବେ ଓମ୍ ଶାନ୍ତି ଏନ୍ ସି ସି କୁ ହରାଇ ଚଳିତ ବର୍ଷ ଚମ୍ପିୟାନ ହୋଇଛି । ଶେଷରେ ଅତିଥି ମାନଙ୍କ ଦ୍ବାରା ଚମ୍ପିୟାନ ଓ ରନରସ ଅଫ୍ ଦଳକୁ ପୁରସ୍କାର ରାଶି ସହ ଟ୍ରଫି ପ୍ରଦାନ କରାଯାଇଥିଲା। ଖେଳ ପରିଚାଳନାରେ ନବକିଶୋର ସାମଲ, ରାଜେଶ ଜେନା ଓ କାଳୁଚରଣଙ୍କ ସମେତ ସମସ୍ତ ସଦସ୍ୟ ସହଯୋଗ କରିଥିଲେ ।