ବାଇକ-ମିନି ଟ୍ରକ୍ ମୁହାଁମୁହିଁ ଧକ୍କା, ଚାଳକ ଗୁରୁତର
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ବ୍ରାହ୍ମଣୀ ପର୍ଯ୍ୟଟନ ସୁଳୀ ଛକ ବୁଲାଣି ନିକଟରେ ଗତକାଲି ଅପରାହ୍ନ ସମୟରେ ବାଇକ ସହ ମିନିଟ୍ରକର ମୁହାଁ ମୁହିଁ ଧକ୍କା ହେବା ଫଳରେ ବାଇକ ଚାଳକ ଗୁରୁତର ହେବା ସହ ଯାତ୍ରୀ ଆହତ ହୋଇଥିବା ଜଣାପଡିଛି। ପ୍ରକାଶ ଥାଉକି , ଗତକାଲି ଅପରାହ୍ନ ପ୍ରାୟ ୫ଟା ସମୟରେ ମୋହନାରୁ ଅଡବା ଖାଦ୍ୟ ସାମଗ୍ରୀ ବୋଝେଇ ହୋଇ ଯାଉଥିବା ଏକ ମିନି ଟ୍ରକ ନମ୍ବର ଓଡ଼ି୦୭ ଡ଼ି ୪୩୭୨ ସହ ଅପରପାର୍ଶ୍ବ କରଚବାଡ଼ି ପଞ୍ଚାୟତ ଅଧୂନ ନିକଟସୁ ଗ୍ରାମ ଢ଼େପାରାଞ୍ଜୁରୁ ବାଇକ୍ ନମ୍ବର ଓଡ଼ି୦୭ ଏ ଏନ୍ ୭୪୬୪ ଯୋଗେ ସିଆଳିଲଟି ଗ୍ରାମର ରମେଶ କମାର ଓ ଢ଼େପାଲାଞ୍ଜୁ ଗ୍ରାମର ପ୍ରଫୁଲ୍ଲ କମାର କୌଣସି କାମରେ ମୋହନା ଆସୁଥିବା ବେଳେ ବ୍ରାହ୍ମଣେ ଦେବୀ ଛକ ନିକଟ ବୁଲାଣିରେ ମୁହାଁମୁହିଁ ଧକ୍କା ହୋଇଥିଲା। ଯାହାଫଳରେ ଚାଳକ ରମେଶ ଓ ପ୍ରଫୁଲ୍ଲ ରାସ୍ତା କଡ଼କୁ ଛିଟିକି ହୋଇ ପଡ଼ିଥିଲେ। ଖବର ପାଇ ୧୦୮ ପହଞ୍ଚି ଉଭୟଙ୍କୁ ଉଦ୍ଧାର କରି ମୋହନା ଗୋଷି ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ରମେଶଙ୍କ ମୁହଁ,ମୁଣ୍ଡ ଓ ଛାତିରେ ଗଭୀର ଆଘାତ ଲାଗିଥିବା ଯୋଗୁଁ ଡାକୁର ପୃଥ୍ବୀରାଜ ତାଙ୍କୁ ବ୍ରହ୍ମପୁର ମେଡ଼ିକାଲକୁ ସ୍ଥାନାନ୍ତର କରିଥିବା କହିଛନ୍ତି। ପ୍ରଫୁଲ୍ଲ ସାମାନ୍ୟ ଆହତ ହୋଇଥିବା ଜଣାପଡିଛି।
