କାଶୀନଗରରେ ଶିକ୍ଷକ ଭବନ ନିର୍ମାଣ ପାଇଁ ଦାବିପତ୍ର ପ୍ରଦାନ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲାର କାଶୀନଗର ଠାରେ ଏକ ଶିକ୍ଷକ ଭବନ ନିର୍ମାଣ ନିମନ୍ତେ ବ୍ଲକ ଅଧ୍ୟାକ୍ଷାଙ୍କ ସହ ଶିକ୍ଷକମାନଙ୍କ ଏକ ପ୍ରତିନିଧି ଦଳ ଆଲୋଚନା କରି ଏକ ଦାବିପତ୍ର ପ୍ରଦାନ କରିଥିବା ଜଣାଯାଇଛି. ଗଜପତି ପ୍ରାଥମିକ ବିଦ୍ୟାଳୟ ଶିକ୍ଷକ ସଙ୍ଘର ସଭାପତି ଜଗଦୀଶ ପାତ୍ରଙ୍କ ନେତୃତ୍ୱରେ ଏକ ପ୍ରତିନିଧି ଦଳ ବ୍ଲକ ଅଧ୍ୟାକ୍ଷା ଵାଲା ସାୟାମ୍ମାଙ୍କ ବାସ ଭବନରେ ସାକ୍ଷାତ କରି ଏକ ଦାବୀପତ୍ର ଦେଇଛନ୍ତି. ସାୟାମ୍ମା ସଙ୍ଘ ସହ ସୌହାର୍ଦ୍ଧ୍ୟ ପୂର୍ଣ୍ଣକ ଆଲୋଚନା କରିଛନ୍ତି | ସମିତି କିମ୍ବା ଜିଲ୍ଲାପରିଷଦ ତରଫରୁ କାଶୀନଗର ଠାରେ ଆସନ୍ତା ଗଣେଶ ପୂଜା ବେଳକୁ ଭିତ୍ତି ପ୍ରସ୍ତର ସ୍ଥାପନ କରିବାକୁ ସଙ୍ଘ ପ୍ରସ୍ତାବ ଦେଇଛି | ଏହା ନିର୍ମାଣ ହେଲେ ଶିକ୍ଷକ ମାନଙ୍କ ବିଭିନ୍ନ ତାଲିମ, ଓ ଛୋଟ ଛୋଟ ସାହିତ୍ୟ ସଭା, ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବା ସହ କାଶୀନଗର କୁ ଦୂର ଦୁରାନ୍ତରୁ ଆସୁଥିବା ଶିକ୍ଷକ ଶିକ୍ଷୟତ୍ରୀ ସାମୟିକ ଭାବେ ବିଶ୍ରାମ ନେଇ ପାରିବେ ବୋଲି ସଙ୍ଘ ର ସଭାପତି ଶ୍ରୀ ପାତ୍ର ସୂଚନା ଦେଇଛନ୍ତି | ଏତଦ ବ୍ୟତୀତ ବିଧାୟକ, ଜିଲ୍ଲାପରିଷଦ ଅଧ୍ୟକ୍ଷ ଙ୍କୁ ମଧ୍ୟ ଦାବୀ ପତ୍ର ଦିଆଯିବ |
