ଗଞ୍ଜାମ ଆଚଂଳିକ ପରିବହନ ବିଭାଗ ପକ୍ଷରୁ କାରମେଲ ସ୍କୁଲରେ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ

ଛତ୍ରପୁର, (ଯୁଗାବ୍ଦ ନ୍ୟୁଜ):ଗଞ୍ଜାମ ଜିଲାରେ ଦୈନିକ ସଡକ ଦୃର୍ଘଟଣା ପାଇଁ ବହୁ ଲୋକ ଆହତ ଓ ମୃତ୍ୟୁ ହୋଇଥାଏ । ବିଶେଷ କରି ବେପାରୁଆ ଗାଡି ଚାଳନ ଯୋଗୁଁ ଏହି ସବୁ ଘଟିଥାଏ । ଏହାକୁ ରୋକିବା ଏକ ମାତ୍ର ମାଧ୍ୟମ ହେଉଛି ସଚେତନତା । ଏନେଇ ଗଞ୍ଜାମ ଆଚଂଳିକ ପରିବହନ ବିଭାଗ ପକ୍ଷରୁ ଆରଟିଓ ମାନସ ରଞ୍ଜନ ସାହୁଙ୍କ ତତ୍ୱାବଧାନରେ ଏମଭିଆଇ ରବିନ୍ଦ୍ର ନାଥ ଜେନା ଛତ୍ରପୁର କାରମେଲ ସିନିୟର ସେକୋରୀ ସ୍କୁଲ ରେ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପ୍ରଥମେ ସ୍କୁଲ ପିଲାମାନଙ୍କ ନିୟୋଜିତ ହୋଇଥିବା ଗାଡି ଚାଳକ ମାନଙ୍କୁ ସଚେତନତା କରାଯାଇଥିଲା । ଗାଡି ଚାଳଇବା ବେଳେ ସିଟ ବେଲଟ ବ୍ୟବହାର, ମୋବାଇଲ ଫୋନ ବ୍ୟବହାର ମନା, ଗାଡିର ଫିଟନେସ ଠିକ ରଖିବା, ମଦ୍ୟପାନ କରି ଗାଡି ନଚଳାଇବା, ବସରେ ଫାଷ୍ଟ ଏଡବକ୍ସ ରଖିବା ଉପରେ ବୁଝାଇଥିଲେ । ପରେ ସ୍କୁଲ ଛାତ୍ର/ଛାତ୍ରୀ ମାନଙ୍କୁ ସଡକ ସୁରକ୍ଷା ଉପରେ ସଚେତନତା କରାଇଥିଲେ । ନାବଳକ ମାନେ ଗାଡି ଚାଳଇବା ମନା । ପରେ ଭିଡିଓ ମାଧ୍ୟମରେ ସଡକ ସୁରକ୍ଷା ଓ ନିୟମ ଉପରେ କ୍ଷୁଦ୍ର ପ୍ରାମାଣିକ ଚଳଚିତ୍ର ପ୍ରଦର୍ଶନ କରାଯାଇଥିଲା । ପିଲାମାନେ ସଡକ ସୁରକ୍ଷା ସଚେତନତା ବାର୍ତା ସେମାନଙ୍କ ପରିବାର ବର୍ଗକୁ ମଧ୍ୟ କରେଇବାକୁ ଏମଭିଆଇ କହିଥିଲେ । ଗଞ୍ଜାମ ଆଚଂଳିକ ପରିବହନ ବିଭାଗ ପକ୍ଷରୁ ପିଲାମାନଙ୍କୁ ସଡକ ସୁରକ୍ଷା ନେଇ ଏକ କୁଇଜ ପ୍ରତିଯୋଗିତା ଅନୁଷ୍ଠିତ ହୋଇଥିଲା । କୃତି ପ୍ରତିଯୋଗୀଙ୍କୁ ଏମଭିଆଇ ରବିନ୍ଦ୍ର ନାଥ ଜେନା ପୁରସ୍କୃତ କରିଥିଲେ । ଏହି ସଚେତନତା କାର୍ଯ୍ୟକ୍ରମରେ ସ୍କୁଲର ପ୍ରିନ୍ସପାଲ ସିଷ୍ଟର ଡୋରେଟଙ୍କ ସମେତ ସ୍କୁଲ ଗାଡି ଚାଳକ, ଛାତ୍ର/ଛାତ୍ରୀମାନେ ଉପସ୍ଥିତ ଥିଲେ । ସୂଚନା ଥାଉକି ଗଞ୍ଜାମ ଜିଲାରେ ଜାନୁଆରୀ ରୁ ସେପ୍ଟମ୍ବର ମାସ ସୁଦ୍ଧା ୬୧୯ ଟି ସଡକ ଦୃର୍ଘଟଣା ଘଟି ୩୦୧ ଲୋକଙ୍କ ମୃତ୍ୟୁ ହୋଇଥିବା ବେଳେ ୪୨୧ ଜଣ ଆହତ ହୋଇଥିବା ଗଞ୍ଜାମ ଆଚଂଳିକ ପରିବହନ ବିଭାଗ ପକ୍ଷରୁ କୁହାଯାଇଛି