ପାଟପୁର ଥାନାରେ ନୂଆଁ ଥାନା ଅଧିକାରୀଙ୍କ ଦାୟୀତ୍ବ ଗ୍ରହଣ

ସାନଖେମୁଣ୍ଡି,(ପଦ୍ମଲୋଚନ ପାଣିଗ୍ରାହୀ): ମଙ୍ଗଳବାର ଦିନ ପାଟପୁର ଥାନାରେ ନୂତନ ଥାନା ଅଧିକାରୀ ଭାବେ ଦାୟିତ୍ଵ ଗ୍ରହଣ କରିଛନ୍ତି ଦିପ୍ତୀରଞ୍ଜନ ବେହେରା । ପୂର୍ବରୁ ଥାନା ଅଧିକାରୀ ରହିଥିବା ଥାନା ଅଧିକାରୀ ସବ୍ୟସାଚୀ ମଲ୍ଲଙ୍କୁ ଚମାଖଣ୍ଡି ଥାନାକୁ ବଦଳି ହୋଇଥିବା ବେଳେ ନୂତନ ଥାନା ଅଧିକାରୀ ପୂର୍ବରୁ ଜିଲ୍ଲାର ରମ୍ଭା , ଦିଗପହଣ୍ଡି ଥାନାରେ ରହିଥିଲେ।ବର୍ତ୍ତମାନ ସେ ଛତ୍ରପୁର ହେଡ କ୍ବାଟରରେ ରହିଥିବା ବେଳେ ମଙ୍ଗଳବାର ସକାଳୁ ସବ୍ୟସାଚୀ ମଲ୍ଲଙ୍କ ଠାରୁ ଏହି ଦାୟିତ୍ୱ ଗ୍ରହଣ କରିଛନ୍ତି । ନବାଗତ ଅଧିକାରୀ ଶ୍ରୀ ବେହେରାଙ୍କ ଯୋଗଦାନ ପରେ ପାଟପୁର ଥାନା ପକ୍ଷରୁ ପୋଲିସ କର୍ମଚାରୀ ମାନେ ଫୁଲତୋଡ଼ା ଦେଇ ସ୍ବାଗତ ସମ୍ବର୍ଦ୍ଧନା ଜଣାଇଥିଲେ । ଏହି ପରିପ୍ରେକ୍ଷୀରେ ଅପରାଧିକ ନିୟନ୍ତ୍ରଣ , ଲୋକଙ୍କ ସମସ୍ୟା ସମାଧାନ, ଚୋରା ମଦ ଓ ଗଞ୍ଜେଇ କାରବାର ଚାଲାଣ ଉପରେ ଗୁରୁତ୍ବ ଦିଆଯିବ ଏପରିକି ସ୍ଥାନୀୟ ଅଞ୍ଚଳରେ ଅସାମାଜିକ ଯୁବକଙ୍କ ଦ୍ବାରା ବଢ଼ି ଚାଲିଥିବା ଚୋରି , ଡକାୟତି ଭଳି କାର୍ଯ୍ୟ କାଳାପ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ରାତିରେ ପେଟ୍ରୋଲିଂ ବ୍ୟବସ୍ଥା କଡାକଡି ଉପରେ ନଜର ରହିବ ଏବଂ ଲୋକମାନଙ୍କ ସହ ପୋଲିସ ର ସୁସମ୍ପର୍କ ସ୍ଥାପନ କରାଯିବ ବୋଲି ଦାୟିତ୍ବ ଗ୍ରହଣ ପରେ ଥାନା ଅଧିକାରୀ ଦୀପ୍ତି ରଞ୍ଜନ ବେହେରା ସୂଚନା ଦେଇଛନ୍ତି ।