ଜାନୁଆରୀ ୫ରୁ ୨୯ ତମ ନିମାପଡ଼ା କପ୍ କ୍ରିକେଟ

ନିମାପଡା,(ସନ୍ତୋଷ ଦାଶ):ଆସନ୍ତା ଜାନୁଆରୀ ୫ ତାରିଖ ଠାରୁ ନିମାପଡା ବାରବାଟୀ ମିନି ଷ୍ଟାଡ଼ିୟମ ଠାରେ ୨୯ ତମ ନିମାପଡା କପ ତଥା ପ୍ରଥମ ତାପସ ଦାସ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବ ।ପ୍ରଥମ ଦିନ ରାମେଶ୍ୱର ସ୍ପୋର୍ଟିଂ ଭୁବନେଶ୍ୱର ଓ ମାଷ୍ଟର କ୍ଲବ କଟକ, ଦ୍ୱିତୀୟ ଦିନ ପ୍ରଗତି ସ୍ପୋର୍ଟିଂ ଭୁବନେଶ୍ୱର ଓ ଆଲଫା ସ୍ପୋର୍ଟିଂ ବ୍ରହ୍ମପୁର, ତୃତୀୟ ଦିନ ଇକ୍ରୋଶ ଖୋର୍ଦ୍ଧା ରୋଡ ଓ ନିମାପଡା ଆଥେଲେଟିକ ଆସୋସିଏସନ, ଚତୁର୍ଥ ଦିନ ପାରାଦ୍ୱୀପ କ୍ରିକେଟ କ୍ଲବ ଓ ରାଇଜିଙ୍ଗ କ୍ରିକେଟ କ୍ଲବ ରାଉରକେଲା ମଧ୍ୟରେ ଅନୁଷ୍ଠିତ ହେବ ବୋଲି ଆୟୋଜକ ଅନୁଷ୍ଠାନର ସଭାପତି ଆଜି ଏକ ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି।ଚମ୍ପିୟାନ ଦଳକୁ ଟ୍ରଫି ସହିତ ୬୦ ହଜାର ଟଙ୍କା ଓ ଉପ ବିଜେତା ଦଳକୁ ଟ୍ରଫି ସହିତ ୩୦ ହଜାର ଟଙ୍କା ଅର୍ଥ ରାଶି ପ୍ରଦାନ କରାଯିବ ବୋଲି ଆଥେଲେଟିକ ଆସୋସିଏସନର ସମ୍ପାଦକ ଅକ୍ଷୟ ବେହେରା ସୂଚନା ଦେଇଛନ୍ତି। ସ୍ଥାନୀୟ ଗ୍ରୀନଲାଣ୍ଡ ମଣ୍ଡପ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଆସୋସିଏସନ ର ସଭାପତି ତଥା ପୂର୍ବତନ ମନ୍ତ୍ରୀ ସମୀର ରଞ୍ଜନ ଦାଶ, ସାଧାରଣ ସମ୍ପାଦକ ଜୀବନାନନ୍ଦ ମହାପାତ୍ର,ସମ୍ପାଦକ ଅକ୍ଷୟ ବେହେରା, କ୍ରୀଡ଼ାବିତ ନିର୍ମଳ ମିଶ୍ର, ସତ୍ୟନ୍ଦ୍ର ମୋହନ ମହାନ୍ତି, ପୂର୍ଣ୍ଣଚନ୍ଦ୍ର ସାହୁ ପ୍ରମୁଖ ଯୋଗ ଦେଇଥିଲେ।