ତାମ୍ପରା ହ୍ରଦ ଓ ପୋତାଗଡ଼ ପର୍ଯ୍ୟଟନ ସ୍ଥଳୀକୁ ପରିଦର୍ଶନ କଲେ ଗଞ୍ଜାମ ଜିଲ୍ଲାପାଳ

ଛତ୍ରପୁର (ଓ୍ବାଇଏନଏସ) : ଛତ୍ରପୁର  ଉପକଣ୍ଠ ତାମ୍ପରା ହ୍ରଦ ଏବଂ  ପୋତାଗଡ ପର୍ଯ୍ୟଟନ ସ୍ଥଳୀକୁ ବୁଧବାର  ଗଞ୍ଜାମ ଜିଲ୍ଲାପାଳ ଭି. କୀର୍ତ୍ତି ଭାସନ ପରିଦର୍ଶନ କରି ଭିତ୍ତି ଭୁମି ରେ ତଦାରଖ କରିବା ସହିତ ଏହା ର ବିକାଶ ନିମନ୍ତେ ବିଭାଗୀୟ ଅଧିକାରୀ ମାନଙ୍କ ସହ ଆଲୋଚନା କରିଛନ୍ତି। ତାମ୍ପରା ହ୍ରଦ ଦିନକୁ ଦିନ ସଙ୍କୁଚିତ ହେଉଥିବା ବେଳେ କେତେକ ସ୍ଥାନରେ କେନାଳ ଗୁଡିକର ପୁନଃରୁଦ୍ଧାର କରିବା ପାଇଁ ଚିହ୍ନଟ କରାଯାଇଛି । ସେଥିପାଇଁ ଜଳସେଚନ, କ୍ଷୁଦ୍ର ଜଳସେଚନ ଓ ଅନ୍ୟାନ୍ୟ ବିଭାଗକୁ ନେଇ ଏକ ଟିମ୍ ଗଠନ କରାଯାଇଛି, ପ୍ରଥମେ ଉକ୍ତ ଟିମ୍ ସେଠାକୁ ଯାଇ କେନାଲ ଗୁଡିକୁ ଚିହ୍ନଟ କରିବେ, ପରବର୍ତ୍ତୀ ସମୟରେ ସେଗୁଡିକର ପୁନଃରୁଦ୍ଧାର କରାଯିବ ।  ଜଳସ୍ତର କୁ କିପରି ବଢ଼ାଯିବ, ବୋଟିଂ ସୁ ବ୍ୟବସ୍ଥା କରିବା, ସେହିଭଳି ତାମ୍ପରା ପାର୍କରେ ଆବଶ୍ୟକ ଥିବା ଉନ୍ନୟନ ମୂଳକ କାର୍ଯ୍ୟ ଗୁଡିକୁ ପର୍ଯ୍ୟଟନ ବିଭାଗ ଓ  ପ୍ରଶାସନ ପକ୍ଷରୁ ମରାମତି କରାଯିବା ପାଇଁ ଜିଲ୍ଲାପାଳ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । ସେହିଭଳି ପୋତାଗଡର ମଧ୍ୟ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ପାଇଁ ପୂର୍ବରୁ ଏକ ପ୍ଲାନ ପ୍ରସ୍ତୁତ କରାଯାଇଥିଲା, ସେହି ଘଟଣାରେ କିଛି ଏକ୍ସପୋର୍ଟଙ୍କ ମତାମତ ନିଆଯାଇ ତାହାର ଉନ୍ନତି କରିବା ପାଇଁ ମଧ୍ୟ ଜିଲ୍ଲାପାଳ ଶ୍ରୀ ଭାସନ ବିଭିନ୍ନ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । ସେଠାରେ ଥିବା ପାରାଭାଡି ଓ ବିଭିନ୍ନ ଐତିହ୍ୟର ମଧ୍ୟ ପୁନଃରୁଦ୍ଧାର କରିବା ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ । ଗଞ୍ଜାମ ଜିଲ୍ଲାପାଳଙ୍କସହ ଏହି ପରିଦର୍ଶନ ବେଳେ ଗଞ୍ଜାମ ଜିଲ୍ଲା ପରିଷଦ ର ଅତିରିକ୍ତ କାର୍ଯ୍ୟ ନିର୍ବାହୀ ଅଧିକାରୀ ବିଜୟ କୁମାର ବେହେରା, ଛତ୍ରପୁର ବିଡ଼ିଓ ସମ୍ବିତ ସଂଗ୍ରାମଜିତ ସାହୁ, ଗଞ୍ଜାମ ବିଡ଼ିଓ ଅଚ୍ୟୁତାନନ୍ଦ ଯାନୀ, ଗଞ୍ଜାମ ଜିଲ୍ଲା ପରିଷଦ ର ପୋଗ୍ରାମ କୋଡିନେଟର ବାଣୀ ସୁକାନ୍ତ ଵେବର୍ତ୍ତା ପଟ୍ଟନାୟକଙ୍କ ସମେତ ଜଳ ସେଚନ, କ୍ଷୁଦ୍ର ଜଳ ସେଚନ, ଡ୍ରେନେଜ ଏବଂ ବିଭାଗର ଅଧିକାରୀ ମାନେ ଉପସ୍ଥିତ ଥିଲେ ।